Xabar-Filial Yangiliklari

“Toshkent davlat iqtisodiyot universiteti Samarqand filiali Zakovat klubi” turniri o`z faoliyatini boshladi.

Blog Single

Toshkent davlat iqtisodiyot universiteti Samarqand filialida beshta muhim tashabbusni amalga oshirish va pandemiya sharoitida uyda qolgan talabalarning bo`sh vaqtini mazmunli o`tkazish maqsadida “Toshkent davlat iqtisodiyot universiteti Samarqand filiali Zakovat klubi” online tarzda tashkil etiladigan turniri o`z faoliyatini boshladi.

Klub pandemiya muddati tugaguncha o`z faoliyatini masofaviy tarzda davom ettirishi belgilangan va uning sharoit talabidan kelib chiqqan quyidagi mezoni qabul qilindi:

ZAKOVAT turniri VAQTINCHALIK mezoni:

a.   Turnir 10 ta o`yindan iborat bo`ladi.

b.   Bir o`yin 6 rounddan iborat bo`ladi.

c.   Har bir savolga 1 ball beriladi, yakunda eng ko`p ball to`plagan ishtirokchi g`olib bo`ladi. Tur bo`yicha Sovrindor o`rinlarni aniqlashda ballar teng kelib qolsa faqat ballari teng kelib qolganlar o`rtasida 1 ball faqriga kelguncha qo`shimcha roundlar o`ynaladi.

d.   Har turda I, II va III o`rinni egallaganlar g`olib sifatida Filial sayti va kanallarida e`lon qilinadi. Umumiy turnir g`olibligi uchun tanlovda turda I o`rinni egallagan ishtirokchi 3 ball, II o`rinni egallagan ishtirokchi 2 ball va III o`rinnni egallagan ishtirokchi 1 ball bonusga ega bo`ladi.

e.   Umumiy go`liblar (1-3 o`rin) 10 turdan keyin e`lon qilinadi va Filial rahbariyatiga taqdirlash uchun tavsiya qilinadi.

f.    Umumiy g`oliblarni aniqlash tartibi: Barcha turdagi olgan ochkolar va bonus ballari qo`shilib hisoblanadi. Agar ballar teng bo`lsa alohida turlardagi I o`rinlarni egallash ustunlik beradi. Bunda ham ko`rsatkichlar teng bo`lsa JURI simpatiyasi asosida g`oliblar o`rni aniqlanadi.

2020 yil 3 may kuni klubning telegram kanali orqali amalga oshirilgan ilk round o`yini bo`lib o`tdi. Qiziqarli va murosasiz o`tgan birinchi tur yakunlari bo`yicha bilimdonlar quyidagi o`rinlarni egalladilar:

1. Xikmatullayev Kamronbek  - 110-guruh talabasi;

2. Kuchimov Fakhriddin  - 112-guruh talabasi;

3. Musurmonov Inomjon -    105-guruh talabasi;

3. Baxranov Ravshan   -      107-guruh talabasi.

Birinchi round sovrindorlari sifatida ushbu talabalar turningning muhim bonus ballariga ham ega chiqishdi. Shuningdek yana bir qator talabalar turnir oxirida asqotadigan muhim ballarga ega bo`lishdi.

Turnir davom etadi. Malumotlarga ega bo`lish va turnirda qatnashish uchun https://t.me/tdiu_sf_zakovat_klubi kanalimizga a`zo bo`ling. Ketgan vaqtingizga achinmaysiz. Turnir yakuni bo`yicha Filial rahbariyatining qimmatbaho sovg`alari va diplomlariga ega bo`lishingiz mumkin. Ushbu sovg`alarga ega chiqmasangiz ham aslo hafa bo`lmaysiz, zero bilimdonlar bellashuvida yutqazganlar bo`lmaydi.

“Toshkent davlat iqtisodiyot universiteti Samarqand filiali Zakovat klubi”