Call    
center   

Xabar-Filial Yangiliklari

Toshkent davlat iqtisodiyot universiteti Samarqand filiali talabalari o‘rtasida “STEP BY STEP” tanlovini e’lon qilinadi!

Blog Single

Hurmatli talabalar aziz yoshlar! Karantin vaqtida siz nafaqat oilangiz bilan muloqot qilishingiz, balki bo‘sh vaqtingizni unumli sarflashingiz mumkin.

Oliy va o‘rta maxsus ta’lim vazirligining 2019 yil 11 noyabrdagi 1043-sonli buyrug‘i ijrosini ta’minlash maqsadida filial talaba – yoshlari o‘rtasida “Step by step” ko‘rik- tanlovi e’lon qilinadi.

Tanlovning maqsadi: Talaba-yoshlarning bo‘sh vaqtlarini samarali tashkil etish va talaba – yoshlar ongida Vatanimizni, xalqimizni sharafli tarixini ulug‘laydigan, keksayu yosh, kattayu kichik, shu aziz yurtni panoh tutgan har bir insonni muqaddas Vatanimiz himoyasi va buyuk kelajagi yo‘lida mard va fidoiy bo‘lishga chorlaydi. Vatanga muhabbat hissini o‘yg‘otish hamda o‘zlari tug‘ilib o‘sgan zaminni avaylab asrash o‘z yurtining haqiqiy egasi bo‘lish kabi tuyg‘ularni kamol toptirishni ko‘zlaydi. Tanlovda har bir ishtirokchi tanlagan yo‘nalish bo‘yicha bosqichma-bosqich “mahalla – tuman – hudud – respublika” tamoyili asosida tarixi, qadriyatlari, hudud xususiyatlari (milliy urf odatlari, shevasi va qadimiy obidalari, ziyoratgohlari) haqida videorolik tayyorlaydi va namoyish etadi.

 

Tanlov 2020 yil 18 - 21 may kunlari soat 12.00 dan - 13.30 gacha bo‘lib o‘tadi.

 

Tanlov sharti quyidagilardan iborat:

  1. Har bir ishtirokchi tanlagan yo‘nalish bo‘yicha bosqichma-bosqich o‘zi yashab kelayotgan “mahalla – tuman – hududi” asosida tarixi, qadriyatlari, hudud xususiyatlari (milliy urf odatlari, shevasi va qadimiy obidalari, ziyoratgohlari) haqida videorolik tayyorlaydi. Tayyorlangan videorolikda talabaning F.I.Sh, fakultet nomi va kurs va guruhi ko‘rsatilishi shart.

“Step by step” ko‘rik – tanlov e’loni https://t.me/TDIUSamfilialhttps://t.me/TDIUSF_Siz_buni_bilasizmi telegram kanallarida hamda filialning https://sbtsue.uz saytiga joylashtirilgan.

Tanlovda g‘olib deb topilgan 1-2-3-o‘rin sohiblari https://t.me/TDIUSamfilialhttps://t.me/TDIUSF_Siz_buni_bilasizmi telegram kanallarida va filialning https://sbtsue.uz saytiga joylashtiriladi. G‘olib bo‘lgan talaba-yoshlarimizga diplom va estalik sovg‘alari onlayn tarzida o‘zlariga yuboriladi.

Marhamat, uydagi vaqtingizdan unumli foydalanib, tanlovda ishtirok eting va o‘z iqtidoringizni hamda yashab turgan hududingizni namoyon eting!

 

TDIU SF Yoshlar bilan ishlash, ma’naviyat va ma’rifat bo‘limi

------------------------------------

TDIU SF matbuot xizmati

 

Rasmiy telegram kanal

https://t.me/TDIUSamfilial