Ilmiy tadqiqotlar olib borish niyatida bo`lgan Toshkent davlat iqtisodiyot universiteti Samarqand filiali talabalari diqqatiga! Sizda ilmiy tadqiqotlar olib borish va turli tanlovlarda qatnashish uchun ilmiy rahbar tanlashga ehtiyoj bo`lsa quyidagi tanlovda qatnashishingiz mumkin!
Mavzu: Mamlakat agrar siyosatini baholash.
Ilmiy rahbar: G`aniyev Ibragim Mamadiyevich, i.f.n., dotsent.
Qisqacha mazmuni: Mamlakat agrar siyosatini baholashda quyidagi asosiy indikatorlardan foydalaniladi:
- Tovar bozori modeli bo`yicha: Mahsulot bozori siyosati (ichki bozorda narxlarni qo'llab-quvvatlash, ishlab chiqarish bilan bog'liq to'g'ridan-to'g'ri to'lovlar va boshqalar); Resurs bozoridagi siyosat (kiritilgan subsidiyalar va soliqlar); Export-import tarif stavkalari; Bojxona siyosati (tariflar va tarifsiz to'siqlar, imtiyozli kirish qoidalariga muvofiq qo'llaniladigan stavkalar).
- Tarkibiy model bo`yicha: Mehnat bozori siyosatlari (ish haqi darajasi siyosati, malaka oshirish siyosati); Kapital bozori (kredit siyosati); Yer bozori siyosatlari (mulk huquqi, renta bozori); Infratuzilma (qishloq infratuzilmasiga davlat investitsiyasi); Marketing (marketing kengashlari va boshqa agentliklar bilan bog`liq siyosat).
- Makromuhit modeli bo`yicha: Makroiqtisodiy muhit (valyuta siyosati); Savdo siyosati muhiti (qishloq xo'jaligiga oid bo'lmagan tariflar va tariflardan tashqari choralar); Narxlar darajasi va narx barqarorligi (inflyatsiya va umumiy narx siyosati).
- Tartibga soluvchi muhit modeli bo`yicha: Oziq-ovqat sifati (mahsulotning ham, qayta ishlash standartlarining ham amalga oshirilishi); O'simliklar va hayvonlarning sog'lig'i (sanitariya va fitosanitariya standartlari); Oziq-ovqat mahsulotlari xavfsizligi; Ekologik tartibga souvchi qoidalar; Tadqiqotlar (davlat tadqiqotlari va hukumat homiylik qiladigan xususiy tadqiqotlar); Maslahat xizmatlari (hukumat maslahat xizmatlari); Texnologiya (yangi texnologiyalarni o'zlashtirishga qaratilgan davlat siyosati).
Tanlov mezonlari (100 ballik tizimda):
- Ta`lim yo`nalishi: Qishloq xo`jaligi iqtisodiyoti, oziq-ovqat va resurslar iqtisodiyoti va agrobiznes yo`nalishlarida o`qish – 20 ball, boshqa yo`nalishlar – 10 ball.
- Ingliz tilini bilishi – 20 ball (suhbat asosida aniqlanadi, IELTS 5.5 va yuqori bo`lsa maksimal ball beriladi).
- Rus tilini bilishi – 10 ball (Suhbat asosida aniqlanadi).
- Kompyuterda ishlash salohiyati – 20 ball (Suhbat asosida aniqlanadi).
- Motivatsiyasi – 30 ball (Motivatsiya xati va suhbat asosida aniqlanadi).
Talabgorlar 2021 yil 24 martgacha Filial Iqtidorli talabalar bilan ishlash bo`limiga Motivatsiya xati bilan murojaat qilishlari mumkin va 25 mart kuni 301-xonada tanlov bo`lib o`tadi.
TDIUSF Iqtidorli talabalar bilan ishlash bo`limi:
Salohiddin Fazliyev
tel: 998975754419