Filial haqida

Filial haqida

Filial haqida

Toshkent davlat iqtisodiyot universitetining

Samarqand filiali bo‘yicha

O‘zbekiston Respublikasi Prezidenti Sh.M.Mirziyoyevning 2019 yil 11 yanvar kuni Samarqand viloyatiga tashrifi davomida berilgan topshiriqlar va Xalq deputatlari viloyat kengashining navbatdan tashqari sessiyasi 3- sonli  bayoni 84 bandiga asosan ikki oy muddatda Samarqand shaxrida Toshkent davlat iqtisodiyot universitetining filialini tashkil qilish bo‘yicha Vazirlar Mahkamasi qarorini tayyorlash, bunda filialning asosiy vazifalari etib Germaniyaning yetakchi universitetlari bilan hamkorlik o‘rnatish, raqamli iqtisodiyot, oziq ovqat va resurslar iqtisodiyoti uchun kadrlar tayyorlash, xorijiy hamkor va bazaviy oliy ta’lim muassasalaridan yuqori malakali professor-o‘qituvchilarni jalb etib, 2019/2020 o‘quv yilidan kadrlar tayyorlashni yo‘lga qo‘yish belgilangan.

O‘zbekiston Respublikasi Vazirlar Mahkamasining 28.05.2019 yildagi  438-son qarori bilan Toshkent davlat iqtisodiyot universitetining Samarqand filiali tashkil etildi.

Quyidagilar Filialning asosiy vazifalari etib belgilandi:

hududda iqtisodiyot tarmoqlarining rivojlanishi istiqbollari va ustuvor vazifalarini, zamonaviy texnika hamda texnologiyalarning rivojlanishi tendensiyalarini hisobga olgan holda Germaniya va boshqa rivojlangan mamlakatlarning yetakchi universitetlari bilan yaqin hamkorlik o‘rnatib, «Raqamli iqtisodiyot», «Qishloq xo‘jaligi iqtisodiyoti», «Oziq-ovqat va resurslar iqtisodiyoti», «Agrobiznes va marketing», «Buxgalteriya hisobi va audit», shuningdek, viloyatda ehtiyoj yuqori bo‘lgan boshqa mutaxassisliklar bo‘yicha nazariy-amaliy ko‘nikmalarni egallagan malakali iqtisodchi kadrlarni tayyorlash;

Filialning mintaqa va xalqaro miqyosdagi nufuzini oshirish maqsadida xorijiy fuqarolar uchun ta’lim olish imkoniyatini kengaytirish va ilg‘or xalqaro tajribani tatbiq etish;

o‘quv va ilmiy loyihalarni amalga oshirish, ta’lim va ilmiy izlanishlar jarayoniga malakali mutaxassislarni keng jalb etish maqsadida ishlab chiqarish, qayta ishlash va xizmat ko‘rsatish sohalaridagi respublika va xorijiy yetakchi oliy ta’lim muassasalari va ilmiy markazlar bilan hamkorlik aloqalarini kuchaytirish;

pedagog kadrlarning ilmiy salohiyati, kasbiy va malakaviy bilim darajasini uzluksiz rivojlantirib borish mexanizmlarini joriy etish, ularning pedagogik mahoratini rivojlantirishda xorijiy oliy ta’lim muassasalarining ilg‘or tajribasidan keng foydalanish;

xorijiy oliy ta’lim muassasalari bilan hamkorlikda qo‘shma ta’lim dasturlari asosida kadrlar tayyorlash;

chet tillarida dars beruvchi yosh pedagog xodimlar qatlamini kengaytirish, ularning mehnatini moddiy va ma’naviy rag‘batlantirish;

respublika va xorijiy oliy ta’lim muassasalari hamda ilmiy markazlarda istiqbolli yosh bitiruvchilarni magistratura va doktoranturada o‘qitish orqali Filialning ilmiy-pedagogik salohiyatini oshirib borish;

masofaviy ta’lim elementlarini, shu jumladan, vebinar texnologiyalarini o‘quv jarayoniga joriy etish.

Filialda, bazaviy oliy ta’lim muassasasi va xorijiy hamkorlarbilan birgalikda, 5234100-Raqamli iqtisodiyot, 5230101-Iqtisodiyot: oziq ovqat va resurslar iqtisodiyoti hamda 5230102-Iqtisodiyot: qishloq xo‘jalik iqtisodiyoti ta’lim yo‘nalishlari uchun malaka talablari, o‘quv rejalari va fan dasturlari ishlab chiqildi va tegishli tartibda tasdiqlandi.

 5230900-Buxgalteriya hisobi va audit va 5233300-Agrobiznes va investitsion faoliyat ta’lim yo‘nalishlari huquqiy me’yoriy hujjatlari tegishli tayanch oliy ta’lim muassasalaridan olindi va o‘quv jarayoniga joriy qilindi.

Filialga faoliyatini tashkil qilishda va o‘quv-me’yoriy hujjatlarni ishlab chiqishda Germaniyaning Vayenshtefen-Triyezdorf universiteti (professor R.Shlauderer), Janubiy Koreyaning Kangvon milliy universiteti (professor K.R.Kim ), Buyuk Britaniyaning Vritl universiteti kolleji (dotsent X.Matyus) va boshqalar jalb qilindi.

Toshkent davlat iqtisodiyot universitetining Samarqand filialida Germaniyaning Vayshtefan-Trizdorf amaliy bilimlar universiteti bilan hamorlikda Iqtisodiyot (oziq ovqat tizimlarini boshqarish) yo‘nalishi bo‘yicha qo‘shma bakalavriat dasturi tashkil qilingan.

2019 yil yanvar oyida TDIU rektori B.Yu.Xodiyev  Vayshtefan Trizdorrf amaliy bilimlar universitetiga tashrif buyurib, hamkorlik  memorandum imzolangan.

2019 yil aprel-may oylarida o‘quv rejalari va fan dasturlari ishlab chiqilgan. Qo‘shma dasturni amalga oshirish shartnomasi TDIU rektori va Vayshtefan-Trizdorf amaliy bilimlar universiteti prezidenti tomonidan 24.06.2019 da imzolangan.  Qo‘shma dastur 2+2 tizimida tashkil qilingan va dastur davomida talabalarning Germaniyaning oziq-ovqat sanoatining ilg‘or kompaniyalarida 1 semestr davomida stajirovka o‘tashlari hamda yuqori kurslarni Germaniyalik hamkor universitetda o‘qishlari belgilab qo‘yilgan.

Filialni joylashgan manzili.

Samarqand shahri, Professorlar kuchasi, 51-uy (sobiq Moliya-iqtisod kolleji binosi).