Yaponiyaning O‘zbekistondagi elchixonasi ma’lumotlariga muvofiq Yaponiyaning Ta’lim, madaniyat, sport, fan va texnologiyalar vazirligi (MEXT) tomonidan 2025-yil Yaponiya oliygohlarida tehsil olish va malaka oshirish uchun quyidagi dsturlar e’lon qilingan:

• “Yapon tili va madaniyati”- oliy ta’lim muassasalari talabalari uchun;
• Amaliyot dasturi – boshlang‘ich, o‘rta maktab, litsey yoki kollej o‘qituvchilari uchun;

“Yapon tili va madaniyati” -  Yaponiya universitetlarida 1yil davomida yapon tili, mamlakat geografiyasi, yapon madaniyati bo‘yicha o‘qitiladigan o‘quv dasturi. Nomzod o‘z vatanidagi oliy o‘quv yurti talabasi va tug‘ilgan yili 1995-2007 atrofida bo‘lishi kerak.

Nomzodlar saralashning birinchi bosqichida Yaponiya elchixonasiga taqdim etilgan hujjatlari, yozma imtihon va suhbatlashish yakunlari bo‘yicha tanlov asosida saralash o‘tkaziladi. Saralashning birinchi bosqichidan o‘tgan nomzodlar Yaponiya ta’lim vazirligiga (MONBUKAGAKUSHO: MEXT) tavsiya etiladi. MEXT tanlovning ikkinchi (yakuniy) bosqichini olib boradi, natijada tavsiya etilgan nomzodlar orasidan ushbu dastur bo‘yicha o‘quv kursidan o‘tish uchun stipendiya beriladigan ishtirokchilar aniqlanadi.

Saralash rejasi:

27-yanvar 2025-yil – Hujjatlar qabul qilish yakunlanadi .

4-fevral – anketa natijalari e’lon qilinadi.

16-fevral – yapon tili bo‘yicha yozma imtihon.

Fevral oxirlari –suhbat

Iyul-avgust oylari-tanlovning yakuniy natijalari e’lon qilinadi.

Sentabr-oktabr – Yaponiyaga ketish.

Kerakli hujjatlar:

1. Ariza(imzolangan) – rasmiy saytda blanka berilgan.
2. Reyting daftarcha (zachyot) – ingliz yoki yapon tiliga tarjima qilingan holda
3. Ariza egasi oliy o‘quv yurtining talabasi ekanligini tasdiqlovchi hujjat.
4. Oliy o‘quv yurtidan tavsiyanoma.
5. Tibbiy guvohnoma
6. Yapon tili bo‘yicha malakani tqsdiqlovchi hujjat (agar bor bo‘lsa).

Quydagi ko‘rsatmalarga e’tiboringizni qarating:

• Barcha hujjatlar qat’iyan ingliz yoki yapon tillarida to‘ldirilgan va tuzilgan bo‘lishi lozim.
• So‘rovnomaning 1-bandida ingliz tilidagi ismi-sharifingiz pasport bo‘yicha yozilishi lozim (ota ismini yozilmaslik kerak). 17-bandida O‘zbekiston tizimi bo‘yicha olingan ta’lim ma’lumotida «Primary Education» degan joyida 1-sinfdan 4-sinfgacha 4 yil ko‘rsatiladi; «Lower Secondary Education» - 5-sinfdan 9-sinfgacha 5 yil; «Upper Secondary Education» - kollej va litseydagi 3 yil; «Tertiary(Higher) Education (Undergraduate)» - Oliy o‘quv yurtidagi bakalavr o‘quv yillari; (ta’til oylari qo‘shilgan holda to‘liq yil inobatga olinsin).
• Nomzod talim olishni istagan universitetni (PLACEMENT PREFERENCE APPLICATION FORM FORM shakli) MEXT veb-saytida joylashgan "Course Guide for Japanese Studies Students" katalogdan ko‘rsatiladi.
• Tibbiy guvohnomani taqdim etilgandan song sog‘lig‘ida o‘zgarishlar yuz bergan taqdirda, bu haqda darhol Yaponiya elchixonasiga xabar berishingiz shart.

Batafsil ma’lumot uchun rasmiy havola: https://www.uz.emb-japan.go.jp/itpr_uz/programMEXT.html