Bruney davlati Tashqi ishlar vazirligi tomonidan Islom hamkorlik tashkilotiga a’zo davlatlar uchun bakalavr va magistr o‘quv dasturlariga grantlar e’lon qilingan.

Tanlovdan muvaffaqiyatli o‘tgan nomzodlar quyidagi universitetlardan birida ta’lim olishi mumkin:

1. Universiti Brunei Darussalam(https://ubd.edu.bn/)  
2. Universiti Islam Sultan Sharif Ali (https://unissa.edu.bn/)  
3. Universiti Teknologi Brunei (https://www.utb.edu.bn/)
4. Kolej Universiti Perguruan Ugama Seri Begawan ( https://www.kupu-sb.edu.bn/Theme/Home.aspx)
5. Politeknik Brunei (https://pb.edu.bn/ )

Nomzodlarga qo‘yilgan talablar:

• Bakalavr dasturi uchun 25yoshdan, magistratura dasturi uchun 35 yoshdan oshmasligi
• Ingliz tilini bilish darajasi IELTS 6.0 dan IGCSE ingliz tilidan ‘C’ darajada, TOEFL minimal 550 ball bo‘lishi talab etiladi.

Nomzodlar dasturni taklif etgan muassasa tomonidan belgilangan joylarda suhbatga chaqirilishlari ham mumkin.

Bruney Darussalam hukumati arizani rad etgandan so‘ng qayta ko‘rib chiqilmaydi.

Grant imtiyozlari:

1. Ta’lim to‘lovidan ozod qilish, shu jumladan ro‘yxatdan o‘tish va dastur davomida yo‘naltirilgan to‘lovlar
2. Aviachipta(kelish va dastur tugagandan so‘ng o‘z vataniga qaytish uchun)
3. BND $500.00 miqdorda oylik stipendiya
4. BND $150.00 miqdorda oylik ovqatlanish uchun
5. BND $600.00 miqdorda yiliga kitoblar uchun
6. Universitet yotoqxonasidan turar joy bilan ta’minlash
7. Grant muddati davomida to‘liq sug‘urta xarajatlari

Talab etiladigan hujjatlar:

• Shaxsni tasdiqlovchi hujjatlar
• Akademik malakalar va boshqa qo‘llab-quvvatlovchi hujjatlarning tasdiqlangan nusxalari (masalan, sertifikatlar, tavsiyanomalar, baholar varaqasi).
• Ingliz tilida bo‘lmagan hujjatlar uchun tasdiqlangan inglizcha tarjimalar taqdim etilishi kerak.
• Tug‘ilganlik guvohnomasi va pasportning tasdiqlangan nusxalari.
• Tavsiyanomalar

Grantning to‘liq shartlari ro‘yxati ariza muvaffaqiyatli qabul qilinib, grant taqdim etilgandan so‘ng ariza beruvchiga taqdim etiladi. Grantni qabul qilganda, ushbu shartlarni tushunganligi va ularga roziligini tasdiqlovchi deklaratsiya imzolanishi talab qilinadi.

Grant oluvchiga grant muddati davomida hech qanday pullik ish bilan shug‘ullanishi yoki Bruney Darussalomdagi har qanday mamlakatning vakillik missiyasida ishlashi taqiqlanadi.

Arizalar 2025-yil 15-fevralga qadar qabul qilinadi. Ariza uchun rasmiy havola: https://apps.katalyst.gov.bn/bdgs-mfabrunei/applicationform

Batafsil ma’lumot uchun rasmiy havola:

https://www.mfa.gov.bn/Pages/online-bdgs.aspx