Директор ва ёшлар учрашуви: 1-босқич талабалари билан очиқ мулоқот

Тошкент давлат иқтисодиёт университети Самарқанд филиалида Бухгалтерия ҳисоби ва молия факультетининг 1-босқич талабалари билан филиал директори, профессор Олим Муртазаев иштирокида очиқ мулоқот ташкил этилди.

Учрашувда таълим сифати, талабаларнинг ижтимоий ҳаёти, ётоқхона ва ижарада яшаш шароитлари, амалиётга тайёргарлик ҳамда стипендия масалалари атрофлича муҳокама қилинди.

Директор филиалда амалга оширилаётган янгиланишлар, рақамли бошқарув тизими, кутубхона фондини бойитиш ва амалиётга йўналтирилган ўқув режалари ҳақида маълумот берди. Талабалар эса ўзларини қизиқтирган саволлар ва таклифлари билан чиқиш қилди.

Асосий муҳокама йўналишлари қуйидагилардан иборат бўлди:

Таълим сифати: кредит-модул тизимидаги янгиликлар, мустақил таълим баҳолаш мезонлари, қўшимча машғулотлар жадвали;Амалиёт ва карьера: банклар, аудиторлик ва бухгалтерия ташкилотлари билан ҳамкорлик;Ижтимоий қўллаб-қувватлаш: ётоқхона ва ижара шароитлари мониторинги, эҳтиёжманд талабаларга ёрдам;Талаба ташаббуслари: “Эковолонтёрлар”, “Молиявий саводхонлик” тўгараклари ва стартап лойиҳаларини қўллаб-қувватлаш.

Профессор Олим Муртазаев ҳар бир талабанинг фикри ва ташаббусини қимматли деб ҳисоблаб, ҳар бир мурожаат бўйича масъуллар ва муддатлар белгиланишини таъкидлади:“Сизнинг саволингиз — бизнинг иш режамиз. Ҳар бир таклиф ечимини топади.”

Учрашув якунларига кўра:

“Талабалар маслаҳат гуруҳи” тузилади;Ҳар ҳафта қўшимча машғулотлар ташкил этилади;“Молиявий саводхонлик ҳафталиги” ўтказилади;Банк ва аудиторлик ташкилотлари билан ҳамкорлик янгиланади.

Учрашув самимий муҳитда ўтди ва талабаларда юқори мотивация уйғотди.