University of Groningen sizga iqtisodiyot va moliya yo‘nalishida chuqur bilim olish, real hayotiy muammolarni tahlil qilish va global mehnat bozorida raqobatbardosh mutaxassisga aylanish imkonini taqdim etadi.

Bu dasturlar orqali siz zamonaviy nazariy bilim, dalillarga asoslangan siyosiy va amaliy ko‘nikmalarni o‘zlashtirib, kelajakda yuzaga keladigan milliy va xalqaro iqtisodiy hamda moliyaviy muammolarga samarali yechimlar topishni o‘rganasiz.

 O‘quv dasturining afzalliklari

• Iqtisodiy va moliyaviy jarayonlarni chuqur tahlil qilish ko‘nikmasini shakllantirasiz;
• To‘g‘ri va asosli qarorlar qabul qilishni o‘rganasiz;
• Barqaror rivojlanish, mas’uliyatli investitsiya va kompaniyalarni baholash jarayonlarini chuqur o‘rganasiz;
• Real hayotiy moliyaviy va iqtisodiy muammolar bilan ishlash orqali amaliy tajriba orttirasiz.

 O‘qish yo‘nalishini shaxsiylashtirish

Siz o‘z ta’lim yo‘lingizni mustaqil shakllantirish imkoniga egasiz:

• 3 ta asosiy fan: mikroiqtisodiyot, makroiqtisodiyot, empirik usullar;
• Ilmiy maqola yozish kursi;
• 25 dan ortiq ixtiyoriy fanlardan sizga mos yo‘nalishlarni tanlash;
• Quyidagi yo‘nalishlardan birida chuqur ixtisoslashish:
  • Korporativ moliya
  • Investitsiya va risklarni boshqarish
  • Barqaror moliya
  • Kvantitativ moliya
  • Umumiy moliya
  • Moliya va bank ishi
  • Pul-kredit siyosati

 Ikki diplomli magistratura imkoniyati

Xohlovchilar uchun Shvetsiyadagi Lund University bilan hamkorlikda o‘qishni davom ettirib, ikki diplom olish imkoniyati mavjud. Bu esa sizga xalqaro tajriba, keng tarmoq va yuqori raqobatbardoshlikni ta’minlaydi.

 Zamonaviy ko‘nikmalar va amaliy tajriba

• Data science texnologiyalari va barqarorlik tamoyillarini o‘rganasiz.
• Iqlim xavflarini boshqarish va strategik qarorlar qabul qilish ko‘nikmalarini rivojlantirasiz.
• Investitsion simulyatsiyalar va kompaniyalar bilan biznes keislar orqali real tajriba orttirasiz.
• Bo‘lajak ish beruvchilar bilan to‘g‘ridan-to‘g‘ri aloqa o‘rnatish imkoniga ega bo‘lasiz.

Dastur muddati: 1 yil (Magistratura)