Indoneziya hukumati tomonidan moliyalashtiriladigan “Indonesia AID Scholarship” (TIAS) 2026-yilgi stipendiya dasturi yuzasidan qabul jarayonlari boshlandi.

Mazkur dastur iqtidorli shaxslarga o‘z salohiyatini rivojlantirish, bilim va ko‘nikmalarini oshirish hamda o‘z jamiyatlariga hissa qo‘shish imkoniyatlarini taqdim etadi. Ushbu dastur orqali ishtirokchilar o‘zaro tushunishni mustahkamlashi, xalqaro hamkorlikni kuchaytirishi va o‘z sohalarida ijobiy o‘zgarishlarni ilgari surishi kutiladi. Natijada, barqaror rivojlanish va global uyg‘unlikni qo‘llab-quvvatlashga xizmat qiladi.

Mazkur dastur Indoneziyaning nufuzli oliy taʼlim muassasalarida bakalavriat, magistratura va doktorantura bosqichlari boʻyicha taʼlim olish imkoniyatini taqdim etadi.

Stipendiya doirasida

• oʻqish toʻlovi
•  yashash xarajatlari
•  tadqiqot ishlari
• oʻquv adabiyotlari
•  tibbiy sugʻurta
• ilmiy maqolalarni chop etish xarajatlari
•  xalqaro aviachipta (viza xarajatlari bilan birga)
•  universitetgacha transport xarajatlari qoplanadi.

Arizalar 2026-yilning 17-aprel kuniga qadar qabul qilinadi.

Saralab olingan stipendiatlar 20-31-avgust kunlari oraligʻida Indoneziyaga yetib borishlari belgilangan.

Qoʻshimcha maʼlumot olish uchun: The Indonesian AID Scholarship | Indonesian AID

 Yuqoridagilardan kelib chiqib, dasturda ishtirok etishga qiziqayotganlar roʻyxatdan oʻtishlari mumkinligini maʼlum qilamiz.