2025-yilning iyun oyida Toshkent davlat iqtisodiyot universiteti Samarqand filialida 2024/2025 o‘quv yilining yakuni bo‘yicha navbatdagi Kengash yig‘ilishi bo‘lib o‘tdi. Yig‘ilishda filial faoliyatining turli yo‘nalishlariga oid dolzarb masalalar muhokama qilindi.

Yig‘ilish davomida quyidagi masalalar yuzasidan axborotlar eshitildi va tegishli qarorlar qabul qilindi:

🔹 Ijro intizomi va huquqiy hujjatlar bajarilishi holati – Prezident qarorlari, farmonlar, hukumat qarorlari hamda Oliy taʼlim, fan va innovatsiyalar vazirligi hujjatlarining ijrosi bo‘yicha holat haqida nazorat va monitoring bo‘limi boshlig‘i N.J.To‘xtamurodova tomonidan ma’lumot berildi.

🔹 Yozgi semestr natijalari va bitiruvchilar attestatsiyasi – 2024/2025 o‘quv yilidagi yozgi semestr natijalari, yakuniy attestatsiya va magistrlik dissertatsiyalari himoyasi bo‘yicha axborot o‘quv ishlari bo‘yicha direktor o‘rinbosari F.B.Axrorov tomonidan taqdim etildi.

🔹 Filial bo‘limlarining hisobotlari – Direktor o‘rinbosarlari, fakultet dekanlari, kafedra mudirlari va bo‘lim boshliqlari o‘quv yilidagi faoliyatlari yuzasidan hisobot berdi.

🔹 Bitiruvchilarni ishga joylashtirish va karyera kuni natijalari – Bu boradagi axborot Registrator ofisining xizmat ko‘rsatish bo‘limi menejeri M.Norqulova tomonidan taqdim etildi.

🔹 O‘quv yili yakuni bo‘yicha reyting natijalari – Reyting tizimi asosida fakultetlar va kafedralarning faoliyati tahlil qilinib, taʼlim sifatini nazorat qilish bo‘limi boshlig‘i I.M.Ganiyev tomonidan ma’lumot berildi.

🔹 Filial Kengashi faoliyati tahlili – O‘tgan davrdagi faoliyat bo‘yicha axborot Kengash kotibi Z.Mallayev tomonidan bayon qilindi.

Shuningdek, yig‘ilishda turli masalalar muhokama qilinib, quyidagilarga alohida e’tibor qaratildi:

• Ilmiy darajali xodimlarga qo‘shimcha haq to‘lash miqdorini tasdiqlash (Z.Abdullayev);

• Filialda raqamlashtirish bo‘yicha amalga oshirilayotgan ishlar (Y.Eshonqulov);

• Ilmiy unvonga tavsiyalar, o‘quv qo‘llanma va darsliklarni nashrga tavsiya etish (G‘.Ibragimov, G‘.T.Yuldashev, S.B.Xoshimova, I.S.Shukurov, S.A.Alikulov va boshqalar);

• Dissertatsiya mavzularini yangilash va tasdiqlash, yakka tartibdagi ish rejalarini ko‘rib chiqish (S.A.Abdivohidov, X.A.Raximov, I.A.G‘afurov, A.A.K.Almov).

Mazkur Kengash yig‘ilishi filialning o‘quv, ilmiy va tashkiliy faoliyatini tizimli ravishda baholash, mavjud yutuq va kamchiliklarni aniqlash hamda keyingi bosqich uchun aniq rejalashtirish imkonini berdi.

Shuningdek, yig‘ilish davomida O‘zbekiston Respublikasi Oliy attestatsiya komissiyasi tomonidan filial o‘qituvchilarining ilmiy unvonlar bilan taqdirlangani alohida ta’kidlandi:

• Pardayev Sherzod Xolmurodovich – “Marketing” ixtisosligi bo‘yicha dotsent ilmiy unvoniga sazovor bo‘ldi.

• Taniyev Ahmadjon Bahromovich – Iqtisod fanlari doktori ilmiy darajasiga ega bo‘ldi.

• Ermamatova Zuhro – Fizika-matematika fanlari bo‘yicha falsafa doktori (PhD) ilmiy darajasini oldi.