Latviya Respublikasining O‘zbekiston Respublikasidagi elchixonasi Latviya oliy o‘quv yurtlari tomonidan tashkil etiladigan yozgi maktablarda ishtirok etish uchun stipendiya e’lon qilinganini ma’lum qildi. Yozgi maktabda oliy ta’lim talabalari va ilmiy tadqiqotchilar qatnashishi belgilangan.

Yozgi maktab quyidagi yo‘nalishlarda bo‘lib o‘tadi:

• Latviya parlamentarizmi – Latviyaning mustaqil demokratik davlatga bo‘lgan murakkab yo‘lini ko‘rsatib, Latviyaning Yevropa siyosiy va madaniy makonining bir qismi sifatida ta’kidlaydi. Davomiyligi 25.06.2025-04.07.2025
• Latviya milliy an’analari-ushbu yozgi maktab Latviya an’analariga bag‘ishlanib, tarixiy va zamonaviy amaliyotlarni o‘z ichiga oladi. Davomiyligi 26.06.2025-05.07.2025
• Madaniy kanon – 2 qismdan iborat: Latviya tilini o‘rganish va Latviya kanonshunosligi. Dastur Latviya tiliini A1 darajada o‘rgatadi. Davomiyligi 05.07-14.07.2025
• Shahar dronlari dinamikasi – xavfsiz va samarali yetkazib berishni yaxshilash, joylashuvni aniqlash, dronlarni to‘g‘ri boshqarish ko‘nikmalari haqida. Davomiyligi 28.07.2025-08.08.2025
• Latviya fermer xo‘jaligida yashil dehqonchilik ko‘nikmalari – dastur maqsadi ishtirokchilarni barqaror va ekologik toza dehqonchilikka e’tibor qaratgan holda Latviyaning an’anaviy qishloq xo‘jaligi usullari bilan tanishtirish. Davomiyligi : 03.08.2025-12.08.2025

Kerakli hujjatlar:

1. Yozgi maktab uchun ariza shakli
2. Rezyume
3. Motivatsiya xati

Stipendiya miqdori yozgi maktabning har bir ishtirokchisi uchun 1000 yevrodan iborat. Yo‘l xarajatlari ishtirokchilar o‘zlari tomonidan qoplanadi.

Hujjatlar yozgi maktab tashkil qiluvchilari tomonidan 1-aprelga qadar qabul qilinadi:

1. Latviya parlamentarizmi – Tatjana Bogdanovica, Email: tatjana.bogdanovica@lu.lv Phone: +37126622136
2. Latviya milliy an’analari – Jevgenija loginova, Email: summerschool.ceramics.@lma.lv, Phone: +37129774138
3. Madaniy kanon – Maija Burima, Email: summerschool@du.lv , Phone: +37129789096
4. Shahar dronlari dinamikasi – Natalja Muracova, Email: natalja.muracova@rtu.lv Phone: +371 67089106 ,   Artūrs Lūsis  Email: arturs.lusis@rtu.lv,
5. Latviya fermer xo‘jaligida yashil dehqonchilik ko‘nikmalari - Jelena Volkova    Email: jelena.volkova@rta.lv , Phone: + 371 26481448