Ilm-fan, texnologiya, muhandislik va matematika (STEM) sohasida faoliyat olib borayotgan yosh olim va olimalarni qo‘llab-quvvatlash uchun joriy etilgan Saudiya Arabistoni va YUNESKO tashkilotining “YUNESKO/Al Fozan” xalqaro mukofoti uchun tanlov e’lon qilingan.

Ushbu xalqaro mukofot har ikki yilda bir marotaba e’lon qilinib, besh mintaqadan tanlab olingan 5 nafar olim va olimalarga taqdim etiladi.

Mukofot miqdori 50,000 AQSH dollarini tashkil etadi. Mazkur mukofotga tavsiya etilgan nomzodlar xalqaro hay’at tavsiyasi asosida YUNESKO Bosh direktori tomonidan tanlab olinadi.

Tanlovda ishtirok etish uchun nomzodlarga qo‘yiladigan talablar

• Mukofot quyidagi sohalarda yutuqlar yoki hissalar uchun e’tirofga sazovor bo‘lgan nomzodlarga beriladi:

         STEM bo‘yicha tadqiqotlar, jumladan yangi texnologiyalar yoki STEM ta’limi, tadqiqot natijalarini tarqatish, ijodkorlik va innovatsiyalar yoki STEM sohasida xalqaro yoki mintaqaviy loyiha mualliflariga.

• Nomzodlar ariza topshirish muddati tugagan paytda 40 yoshdan kichik bo‘lishi kerak.
• Yosh ayol olimalarni nomzod sifatida ko‘rsatish tavsiya etiladi

YUNESKO/Al Fozan mukofoti bilan bog‘liq bo‘lgan batafsil ma’lumot bilan quyidagi veb-sahifa orqali tanishish mumkin:

https://www.unesco.org/en/prizes/al-fozan

Tanlovda ishtirok etish istagini bildirgan nomzodlar quyida keltirilgan havola orqali ro‘yxatdan o‘tishlari hamda ariza varaqalarini ingliz yoki fransuz tillarida to‘ldirishlari kerak:

https://apply.unescoalfozanprize.org/login

Hujjat topshirish muddati: 2024-yil 14-sentyabrdan 2025-yil 15-aprel kunigacha.

Yuqorida keltirilgan tanlovda ishtirok etish istagini bildirgan nomzodlar hujjatlari 2025-yil 25-mart kuniga qadar YUNESKO ishlari bo‘yicha O‘zbekiston Respublikasi Milliy komissiyasiga taqdim etilishi kerak.