Westlake universitetining Yozgi tadqiqot amaliyoti (Summer Research Internship)- bu mahalliy va xalqaro talabalar uchun mo‘ljallangan bir oylik dastur.

Har yili yozda amaliyotchilar mazkur dastur doirasida ilm-fan va texnologiyalarni ilg‘or yo‘nalishlaridagi tadqiqot loyihalari ustida ishlaydi va ularning har biri taniqli olimlar jamoasining a’zosiga aylanadi .Shu bilan birgalikda ,dastur Westlake universitetida hamda unga yondosh Xanchjou hududida o‘tkaziladigan tadqiqot forumlari ,fanlararo davra suhbatlarida qatnashishni ham o‘z ichiga oladi .

Tadqiqot amaliyotlarida quyidagi fakultetlarda o‘tkaziladi :

• Fan maktabi
• Muhandislik maktabi
• Hayot fanlari maktabi

• Tibbiyot maktabi

Ushbu dastur mashg‘ulotlari 2026-yil 13-iyuldan 14-avgustgacha davom etadi. Mashg‘ulotlar ingliz tilida olib boriladi .

Ushbu dasturga ariza topshirish bepul.

Grant kimlar uchun?

Bakalavr va magistratura talabalari hamda shu bosqichlarni yaqinda tamomlaganlar uchun .

Grant manfaatli jihatlari :

Qabul qilinganlar quyidagi iqtisodiy imtiyozlarga ega bo‘ladi:

• Ishtirok etish bepul

• Kampusda be’pul yotoqxona bilan ta’minlanadi
• Har bir amaliyotchiga 1750 RMB (taxminan 255 AQSH dollari) miqdorida stipendiya beriladi.

Ishtirokchilar Xitoyga borish va kelish viza xarajatlari, shuningdek, oziq –ovqat xarajatlarini o‘zlari qoplashi kerak  (oziq –ovqat xarajatlarini beriladigan stipendiyadan qoplash mumkin).

Talablar:

• Xitoy fuqarosi bo‘lmaslik
• Nomzod 2027 yoki 2028-yilda bakalavr yoki magistratura bosqichlarini tamomlashi kutilayotgan bo‘lishi yoki yaqinda ushbu bosqichlardan birini tamomlagan bo‘lishi kerak .
• Nomzod o‘zi tanlagan tadqiqot loyihasiga aloqador sohalar bo‘yicha tehsil olayotgan yoki tamomlagan bo‘lishi kerak .

Ariza topshirishda kerak bo‘ladigan hujjatlar:

• Pasport nusxasi
• Diplom va daraja sertifikatlari
• Akademik baholar
• Ingliz tili bo‘yicha sertifikat (IELTS ,TOEFEL va h.k.)
• Nomzodning akademik salohiyatini ko‘rsatuvchi ilmiy maqolalar katalogi va abstraktlari yoki  boshqa hujjatlar.

Hujjat topshirish bosqichidan otgan nomzodlar bilan onlayn yoki telefon orqali suhbat bo‘lib o‘tadi.

Dasturga qabul jarayoni :

Arizalar 2026-yil 31-martgacha qabul qilinadi.

Batafsil ma’lumot uchun: Summer Research Internship - Westlake University