Ўзбекистон Республикаси Президентининг “Ўзбекистон Республикаси Конституцияси куни байрамига тайёргарлик кўриш ва уни ўтказиш тўғрисида” 2024 йил 17 октябрдаги Ф-53-сон Фармойиши 1-иловасининг 43-бандида олий таълим ташкилотларида барча талабаларни қамраб олган ҳолда Конституция дарсларини ўтказиш вазифаси белгиланган бўлиб, жорий йилнинг 4 декабрь декабрь куни Тошкент давлат иқтисодиёт университети Самарқанд филиали Иқтисодиёт факультети таълим-тарбия маслаҳатчиси З.М.Мамадхонова Иқтисодиёт факультети  424-гуруҳ талабалари билан биргаликда  янгиланган Конституция бўйича дарслар ташкил этилди. Ушбу суҳбатда Конституцияда давлат қурилишининг янги стратегик мақсади – ижтимоий давлат қуриш эканлиги белгилаб берилганлиги, ижтимоий адолат ва бирдамлик принциплари жорий этилганлиги, инсон ҳуқуқ ва эркинликларини ҳимоя қилишнинг мутлақо янги механизмларини назарда тутувчи конституциявий асослар мустаҳкамланганлиги таъкидлаб ўтилди.