Ushbu dasturga dunyoning barcha davlatlaridan ariza topshirish mumkin. Quyida uchta toifa bo‘yicha talabgorlar va ularga qo‘yiladigan asosiy talablar keltirilgan:

A - Kategoriya — Talabalar uchun

Kimlar murojaat qila oladi:

Slovakiyadan tashqaridagi oliy ta’lim muassasalarida tahsil olayotgan talabalar;

Magistratura bosqichida o‘qiyotgan talabalar yoki ariza topshirish muddatiga qadar bakalavriatning kamida 2,5 yilini muvaffaqiyatli yakunlagan talabalar;

Slovakiyada akademik mobillik dasturi doirasida o‘qishga qabul qilingan talabalar

Eslatma: Yuqoridagi 3 ta shartning barchasi bajarilishi shart. Ushbu toifa PhD (doktorantura) talabalari uchun amal qilmaydi.

 Grant muddati: 1–2 semestr.

 B - Kategoriya — PhD talabalari uchun

Kimlar murojaat qila oladi:

• Slovakiyadan tashqarida doktoranturada (yoki unga tenglashtirilgan bosqichda) tahsil olayotgan talabalar;
• Slovakiyadagi davlat, xususiy yoki nodavlat oliy ta’lim muassasasi yoki doktorantura dasturini olib borish huquqiga ega ilmiy tadqiqot instituti tomonidan qabul qilingan talabalar.

Grant muddati:1 oydan 10 oygacha

 C - Kategoriya — Universitet o‘qituvchilari, tadqiqotchilar uchun

Kimlar murojaat qila oladi:Slovakiyada tadqiqot va ilmiy faoliyat olib borish huquqiga ega institut yoki tashkilot tomonidan ilmiy/tadqiqot yo‘nalishida taklif etilgan shaxslar.

 Grant muddati: 1 oydan 10 oygacha.

 Dastur quyidagi holatlarda qo‘llab-quvvatlamaydi:

Slovakiyada to‘liq bakalavr, magistratura yoki doktorantura bosqichida o‘qiyotgan xorijiy talabalar;

PhD diplomi bo‘lmagan va shu bilan birga 4 yildan ortiq tajribaga ega o‘qituvchi/tadqiqotchilar/san’atkorlar. Ariza topshirish muddatidan oldingi 36 oy ichida Slovakiyada 15 oydan ko‘proq vaqtni o‘tkazgan shaxslar;

Boshqa davlat tomonidan moliyalashtiriladigan grant dasturlarida ishtirok etayotgan nomzodlar.

National Scholarship Programme of the Slovak Republic grantlari bo‘yicha stipendiatlarning majburiyatlari

Ushbu dastur davlat mablag‘lari hisobidan moliyalashtirilgani sababli, grant oluvchilar quyidagi shart va majburiyatlarga rioya qilishlari lozim:

1. Hujjatlarning to‘g‘riligi
   Stipendiat taqdim etgan barcha hujjatlar to‘liq, aniq va haqiqatga mos bo‘lishi shart. Har qanday noto‘g‘ri ma’lumot yoki hujjat qoidabuzarlik hisoblanadi.
2. Ikki marta moliyalashtirish taqiqlanadi
   Bir maqsad uchun bir manbadan takroran moliyalashtirish taqiqlanadi. Agar stipendiat Slovakiya davlat budjeti hisobidan boshqa qo‘shimcha moliyaviy yordam olishni rejalashtirsa, bu haqda darhol— Dastur ma’muriyatiga xabar berishi shart.
3. Hamkorlik majburiyati
   Zarurat tug‘ilganda stipendiat Slovakiya Respublikasining vakolatli organlari yoki ular vakolat bergan shaxslarga to‘liq hamkorlik ko‘rsatishi lozim. Bu ayniqsa nazorat, monitoring yoki audit jarayonlarida muhimdir.
4. Shaxsiy ma’lumotlardan foydalanishga rozilik
   Stipendiat grantni qabul qilish orqali shaxsiy ma’lumotlarining Slovakiya Respublikasining vakolatli organlariga nazorat, monitoring yoki audit maqsadida taqdim etilishiga rozilik bildiradi.

Ushbu shartlar grant mablag‘laridan shaffof va qonuniy foydalanilishini ta’minlash uchun belgilangan. Stipendiatlar ularni to‘liq tushunib, rioya etishlari lozim.

​Ariza topshirishning yakuniy muddati: 2025-yil 31-oktabr, soat 19:00.

 Batafsil ma’lumot va ariza topshirish: www.scholarships.sk