Akademik qarzdor talabalar diqqatiga!
Ariza yuborish 2023-yil 5-iyuldan 17-iyulgacha (shu kuni ham) qabul qilinadi. Agar ta’til vaqtida o‘zlashtirmagan fanlarni o‘z hisobingizdan qayta o‘qimoqchi bo‘lsangiz HEMIS platformasida “QAYTA O‘QISH” bo‘limidagi “ARIZA QAYTA O‘QISH” punktiga kirib ariza yuboriladi (bir talaba 4 tagacha fan o‘qishi mumkin).

      Akademik qarzdorlar shartnomani HEMIS platformasining shartnomalar bo‘limidan olish va kredit to‘lovlarini filial hisob raqamiga o‘tkazish 2023-yil 5-iyuldan 18-iyulgacha (shu kuni ham) amalga oshiriladi. Shartnoma olishda qayta o‘qishga ariza yuborilgandan so‘ng kreditlar miqdoridan kelib chiqib, shartnoma buxgalteriya tomonidan HEMIS platformasi 1 kun muddatda shakllantiriladi.

        Yozgi semester 2023-yil 24-iyuldan 19-avgustgacha dars jadvali asosida tashkil etiladi.

        Qo‘shimcha savollar bo‘yicha:

        Magistratura bo‘limi               U.U.Ubaydullayev (93)-996-22-88

        Bakalavriat kunduzgi bo‘limi   I.S.Shukurov (93)-343-07-13

    Bakalavr sirtqi bo‘lim  G‘.T.Yuldashev (97)-914-60-05 larga murojaat qilishingiz mumkin.

        Shartnoma olish masalasi bo‘yicha buxgalteriya bo‘limi (A-bino 102A-xona Orzubek Fatoyev Tel: 93-347-58-67) ga murojaat qilishingiz mumkin.

       Eslatma: O‘zbekiston Respublikasi Vazirlar Mahkamasining 2020-yil 31-dekabrdagi 824-son qarori 8-bob 41-qismiga asosan, bir fanga ajratilgan auditoriya soatining   25 foizini va undan ortiq soatni sababsiz qoldirgan talaba ushbu fandan chetlashtirilib yakuniy nazoratga kiritilmaydi hamda mazkur fan bo‘yicha tegishli kreditlarni o‘zlashtirmagan hisoblanadi. Yakuniy nazorat turiga kiritilmagan yoki kirmagan, shuningdek ushbu nazorat turi bo‘yicha qoniqarsiz baho olgan talaba akademik qarzdor hisoblanadi. Akademik qarzdor talaba ta’til vaqtida yoki keyingi semestrlar moboynida tegishli fanlardan o‘zlashtirilmagan “kreditlar” miqdoriga mos ravishda bazaviy to‘lov-kontrakt miqdoridan kelib chiqqan holda to‘lovni amalga oshirgandan so‘ng o‘zlashtirilmagan fanlarni o‘z hisobidan qayta o‘qish huquqiga ega. Filial talabalarini kursdan kursga o‘tkazishda GPA ko‘rsatkichi 2,8 va undan yuqori bo‘lishi talab etiladi. GPA ko‘rsatkichi o‘tish ballini to‘play olmagan talaba qayta o‘qish uchun tegishli kursda qoldiriladi.