Тошкент давлат иқтисодиёт университети Самарқанд филиалида “Огоҳлик — давр талаби” шиори остида маънавий-маърифий тадбир ташкил этилди. Тадбир олий ўқув юртларида ёшлар орасида радикаллашувнинг олдини олиш ҳамда талабаларни виртуал диний жамоаларга қўшилиб кетиш хавфидан ҳимоя қилиш масалаларига бағишланди.

Филиалда анъанавий тарзда ўтказиб келинаётган “Йилнинг энг фаол талабаси” танлови якунига етди. Танлов давомида ўқув, илмий, ижтимоий ҳамда маънавий-маърифий йўналишларда фаол иштирок этган, ташаббускорлиги ва етакчилик қобилияти билан ажралиб турган талабалар саралаб олинди.
Шунингдек, уларнинг ютуқларида муносиб ҳисса қўшган илмий раҳбарлар ва устозлар ҳам алоҳида эътироф этилди ҳамда тақдирланди. Тадбир давомида устоз-шогирд анъаналари, илмий изланиш ва фаолликнинг аҳамияти алоҳида таъкидланди.

Тошкент давлат иқтисодиёт университети Самарқанд филиалида Ўзбек тили байрами муносабати билан “Ўзбек тили ва хорижий тиллар” кафедраси ҳамда Ёшлар иттифоқи ҳамкорлигида маънавий-маърифий тадбир ташкил этилди.
Тадбирни филиал директори, профессор Олим Муртазаев очиб бериб, иштирокчиларни байрам билан табриклади ва она тилимизнинг халқимиз ҳаётидаги ўрни ҳамда аҳамияти ҳақида сўз юритди.

Байрамда устозларимизнинг фидокорона меҳнати юксак қадрланиб, фахрий ёрлиқлар ва эсдалик совғалари топширилди. 

ТДИУ Самарқанд филиалида устозларимизнинг фидокорона меҳнати, билим ва меҳр-муҳаббати шарафланади.

Жорий йилнинг 30-апрель куни  Бухгалтерия ҳисоби ва молия факультети талабалар турар жойидаги талабалари иштирокида Ёшлар билан ишлаш, маънавият ва маърифат ишлари боʻйича дерикторнинг биринчи оʻринбосари Х.И.Турдибеков, Ёшлар билан ишлаш маънавият ва маърифат бўлими бошлиғи Т.А.Юлдашев, филиал шифокори С.Мустафақулова, психологлар, тарбиячи-педагоглар, ёшлар етакчиси ва таълим-тарбия маслаҳатчилари билан биргаликда давра суҳбати ташкил этилди.

Суҳбатда талабалар ТТЖдаги ички тартиб, дарсларга ўз вақтида ва мунтазам қатнашиш, кийиниш маданиятига риоя этиш масалалари муҳокама қилинди. Талабалар ўзларини қизиқтирган саволларга жавоб олдилар, муаммолари ўрганилди. Яшаш шароитлари, ошхона гигиенаси, одоб-ахлоқ ва шахсий гигиена қоидалари, ис газидан заҳарланишнинг олдини олиш бўйича тушунтиришлар берилди.

ТДИУ Самарқанд филиали матбуот хизмати

2025-йил 29-апрель куни Тошкент давлат иқтисодиёт университети Самарқанд филиали талабалар турар жойида талаба қизлар иштирокида хотин-қизлар масалалари бўйича директор маслаҳатчиси Э.З.Исакова, "Табиий,ижтимоий фанлар ва жисмоний маданият" кафедраси доценти С.К.Язданова, Иқтисодиёт факультети таълим-тарбия маслаҳатчиси З.М.Мамадхонова ва ёшлар иттифоқи бошланғич ташкилоти иқтисодиёт факультети координатори Н.Жамолиддинова давра суҳбати ташкил этилди.

Суҳбат давомида гендер тенгликнинг мазмун-моҳияти, унинг жамиятдаги ўрни, аёллар ва эркаклар ҳуқуқларининг тенглигини таъминлаш борасида олиб борилаётган ислоҳотлар, шунингдек, талаба қизларнинг ижтимоий фаоллигини ошириш масалалари муҳокама қилинди.

ТДИУ Самарқанд филиали матбуот хизмати

Тошкент давлат иқтисодиёт университети Самарқанд филиали Бухгалтерия ҳисоби ва молия факультетида "Ойбек ижодий фаолияти" га бағишланган адабий-маърифий тадбир бўлиб ўтди.Унда Ойбек ҳаёти ва ижоди ҳақида маълумотлар берилиб, талаба-ёшлар унинг асарларидан парчалар ўқишди.

2025-йил 28-апрель куни Иқтисодиёт факультетида талабаларнинг жисмоний фаоллигини ошириш, миллий қадриятларимизни кенг тарғиб қилиш ва соғлом турмуш тарзини ривожлантириш мақсадида Миллий спорт ўйинлари ўтказилди. Тадбирда талабалар ўзаро кураш, арқон тортиш , хўроз жанги,беш тош каби миллий спорт турларида беллашдилар.

2025-йил 25-апрель куни Тошкент давлат иқтисодиёт университети Самарқанд филиали Иқтисодиёт факультетида “Миллий либослар куни” муносабати билан маънавий-маърифий тадбир ташкил этилди. Тадбирда факультетнинг таълим-тарбия маслаҳатчилари, профессор-ўқитувчилар ва талабалар фаол иштирок этишди.