Бугун, 2025 йил 28 ноябр куни, ТДИУ Самарқанд филиалида битирувчи талабалар учун йилнинг энг муҳим тадбирларидан бири — “Меҳнат ярмаркаси – 2025” юқори савияда ўтказилди. Ярмарка давомида талабалар турли корхона ва ташкилотлар вакиллари билан учрашиб, мавжуд вакансиялар, стажировка ва иш таклифлари ҳақида батафсил маълумот олишди.
Бугунги учрашув ва мулоқотлар ёшлар учун келажакдаги касбий муваффақиятларга пойдевор бўлиб хизмат қилади. ТДИУ Самарқанд филиали битирувчилари кариерасида янги босқичга адим ташлашди.

ТДИУ Самарқанд филиалида Ибн Халдуннинг “Муқаддима” асарига бағишланган илмий-муҳокама тадбири самарали ўтказилди. Талабалар мазмунли бахс-мунозараларда фаол иштирок этиб, асар ғояларини янги ёндашувда таҳлил қилишди. Тадбир якунида фаол иштирокчилар эсдалик совғалари билан тақдирланди. Илмга қизиқиш ва изланиш бу ерда қўллаб-қувватланади.

Тошкент давлат иқтисодиёт университети Самарқанд филиалида 2025-йил 26-ноябрь куни Ёшлар иттифоқи бошланғич ташкилоти ва “Экофаол талабалар” бўлими ташаббуси билан “Эковолонтёр талабалар ҳаракати” томонидан “Маҳаллий чиқиндилар муаммоси ва экоташаббуслар” мавзусида плоггинг акцияси ўтказилди. Акция давомида волонтёр талабалар ҳудудни чиқиндилардан тозалаш билан бирга экологик маданиятни тарғиб қилишга ҳам алоҳида эътибор қаратдилар.

Тошкент давлат иқтисодиёт университети Самарқанд филиалида 2026-йил учун олий таълимнинг мустақил изланувчилик шаклига талабгорларни суҳбат асосида саралаш жараёни якунланди ва расмий натижалар эълон қилинди.
Талабгорлар ўз натижалари билан филиалнинг расмий ахборот каналлари орқали танишишлари мумкин.
Барча номзодларга келгусидаги илмий изланишларида омад тилаймиз!

Тошкент давлат иқтисодиёт университети Самарқанд филиалида 2026-йил олий таълимдан кейинги таълимга тайёргарлик босқичи ҳисобланган стажёр-тадқиқотчилик шаклига ўқишга қабул қилиш бўйича натижалар расман эълон қилинди.
Талабгорлар ўз натижалари билан филиалнинг расмий ахборот каналлари орқали танишишлари мумкин.
Барча номзодларга илмий фаолиятларида омад тилаймиз!

Тошкент давлат иқтисодиёт университети Самарқанд филиалида 2026-йил учун олий таълимдан кейинги таълим (PhD) дастурларига қабул бўйича имтиҳон натижалари эълон қилинди.
Талабгорлар ўз натижаларини расмий манбалар орқали кўриб чиқишлари мумкин.
Барча иштирокчиларга илмий изланишларида омад тилаймиз!

ТДИУ Самарқанд филиали делегациясининг АҚШдаги WUST университетига ташрифи давомида икки томонлама ҳамкорлик бўйича Меморандум имзоланди. Энди қўшма тадқиқотлар, алмашинув дастурлари ва Double Degree лойиҳалари амалга оширилади.

Комиссия томонидан номзодларнинг ҳужжатлари ўрганилиб, барча номинациялар бўйича ғолиб ва совриндорлар белгиланди. Улар фахрий ёрлиқ ҳамда низомга мувофиқ моддий рағбат билан тақдирланади

Делегация Германия университетлари билан қўшма доктортура, стажировка, Erasmus+ ва тил ўқитиш маркази бўйича муҳим келишувларга эришди.

Берлин форумида қишлоқ хўжалиги иқтисодиёти бўйича қўшма тадқиқотлар ва халқаро лойиҳаларни ривожлантирадиган муҳим ҳамкорлик келишуви имзоланди.