KORRUPSIYAGA  QARShI KURAShISh «KOMPLAYENS-NAZORAT» TIZIMINI BOShQARISh BO‘LIMINING IChKI IDORAVIY HUJJATLARI

Filialning korrupsiyaga qarshi kurashish “Komplaens nazorat” tizimini boshqarish bo‘limi o‘z  faoliyatida O‘zbekiston Respublikasi Konstitutsiyasiga va qonunlariga, O‘zbekiston respublikasi Oliy Majlisining qarorlariga, O‘zbekiston  Respublikasi Prezidentining farmonlari, qarorlari va farmoyishlariga, O‘zbekiston  Respublikasi Vazirlar Maxkamasining qarorlari va farmoyishlariga O‘zbekiston Respublikasi oliy ta’lim, fan va innovatsiyalar  vazirligi buyruqlariga va Xayʼati qarorlariga, mazkur Nizom, filialning ichki buyruqlari, shuningdek boshqa qonun xujjatlariga amal qiladi.

Bo‘limning faoliyati filialda “Komplayens nazorat tizimini boshqarish, shuningdek korrupsiyaga qarshi kurashish faoliyatini olib borishga yo‘naltirilgan bo‘lib, o‘z vakolatlari doirasida bevosita filial direktoriga  bo‘ysunadi hamda  O‘zbekiston Respublikasi oliy ta’lim, fan va innovatsiyalar  vazirligi (keyingi o‘rinlarda - vazirlik)ning korrupsiyaga qarshi kurash, “Komplaens nazorat” tizimini boshqarish  bo‘limiga hisobot beradi.

Bo‘limning asosiy vazifalari xisoblanadi:

• Filialda  korrupsiyaga oid huquqbuzarliklarni profilaktika qilish va ularga qarshi kurashish;
• Oliy taʼlim tizimida “Korrupsiyasiz soha” loyihasini Filial miqyosida amalga oshirishga qaratilgan chora-tadbirlar ijrosini ta’minlash;
• Filialda korrupsiyaga oid xavf-xatarlar yuqori bo‘lgan yo‘nalishlar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash;
• Filialda korrupsiya ko‘rinishlari namoyon bo‘lishiga olib keladigan tizimli muammolar va ularni bartaraf etish bo‘yicha tegishli takliflarni kiritgan xolda axborot berib borish;
• Filialda korrupsiyaga oid huquqbuzarliklarning sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan dasturlar ijrosini taʼminlash;
• Filialda korrupsiyaga qarshi kurashishga yo‘naltirilgan jamoatchilik nazoratini muvofiqlashtirib borish. Shuningdek,  zamonaviy usullar va axborot-kommunikatsiya texnologiyalari asosida korrupsiyaga qarshi monitoring olib borish;
• Filialning professor-o‘qituvchilari,  boshqaruv, texnik,  xizmat ko‘rsatuvchi va o‘quv-yordamchi xodimlarining xatti-xarakatlaridagi korrupsiyaviy xavf-xatarlar va huquqbuzarliklar haqida kelib tushadigan murojaatlar va anonim xabarlarni ko‘rib chiqadi hamda o‘rnatilgan tartibda choralar ko‘radi;
• Filialda korrupsiya faktlariga doir xizmat tekshiruvlari o‘tkazadi, o‘tkazilgan xizmat tekshiruvlari reestrini yuritib boradi;
• Filialda davlat xaridlarini amalga oshirishda manfaatlar to‘qnashuvini tahlil qilishda va kontragentlarning ishonchliligini tekshirishda ishtirok etadi;
• Filialda vakolati doirasida tekshiruvlar o‘tkazish, xujjatlarni talab qilish, filialning professor-o‘qituvchilari, boshqaruv, texnik, xizmat ko‘rsatuvchi va o‘quv-yordamchi xodimlari, talabalar (magistrantlar, doktorantlar, mustaqil izlanuvchilar)dan yozma tushuntirishlar olish, jinoyat alomatlari aniqlangan xollarda tegishli huquqni muxofaza kiluvchi organlarga xabar berish;

Korrupsiyaga qarshi kurashish "Komplaens nazorat" tizimini boshqarish bo`limi OGOHLANTIRADI:

• Filialda o'tkazilayotgan imtihonlar jarayonida ochiqlik va shaffoflikni ta'minlashga amal qilish;

• Ushbu jarayonda professor-o'qituvchilarning baholash faoliyatiga ichki va tashqi noqonuniy ta'sir o'tkazishga yo'l qo'ymaslik;

• Moddiy yoki nomoddiy ko'rinishdagi korrupsion uzatmalardan chetlanish;

• Korrupsion holatlarga duch kelganda zudlik bilan bo'limga xabar berishingizni so'rab qolamiz.

Hurmatli professor-o'qituvchilar hamda talabalar! Ushbu illatdan yiroq bo'lib filialning korrupsiyaga qarshi kurashishda murosasizlik madaniyatini yuksaltirishda o'z hissangizni qo'shing!