• O‘z mehnat vazifalarini halol, vijdonan bajarish, mehnat, ijro va o‘quv intizomiga rioya etish;
• Barcha o‘quv shakllari (ishlab chiqarishdan ajralgan va ishlab chiqarishdan ajralmagan hollarda) bo‘yicha oliy ta’limning davlat ta’lim standartlariga muvofiq tuzilgan o‘quv rejalarida belgilangan laboratoriya, amaliy va boshqa turdagi mashg‘ulotlarni yuqori nazariy, ilmiy-uslubiy va kasbiy darajada o‘tkazish;
• Talabalarining malakaviy amaliyotiga, kurs loyihalariga (ishlariga), shuningdek, mustaqil ishlarga rahbarlik qilish;
• Talabalar bilimining reyting nazoratini amalga oshirish;
• Talabalarining auditoriyadan tashqari ishlarini tashkil etish bo‘yicha tadbirlar o‘tkazish;
• Rivojlangan demokratik davlatlar darajasidagi yuqori ma’naviy va axloqiy talablar bilan javob beruvchi yuqori malakali kadrlarga tayyorlash;
• Darslik, o‘quv-uslubiy va ko‘rgazmali qo‘llanmalar tayyorlash, shuningdek, universitet rektorining topshiriqiga binoan qayta nashr etiladigan darslik, o‘quv qo‘llanma va o‘quv-uslubiy adabiyotlar, jumladan, xorijiy olimlar bilan hammualliflikda yaratilganlarga xulosalar tuzish;
• Nodavlat ta’lim muassasalarining buyurtmalari bo‘yicha zarur o‘quv-uslubiy adabiyotlarni tayyorlashda ishtirok etish;
• Iqtidorli talabalar bilan ishlash, ularni olimpiada va tanlovlarda, jumladan, “El-yurt umidi” jamg‘armasi tanlovida ishtirok etishga tayyorlash, talabalarining mustaqil tayyorgarlik shakl va uslublarini takomillashtirish;
• Auditoriya ishlarini optimallashtirish hisobiga mustaqil tayyorgarlik hajmini oshirish bo‘yicha choralar ko‘rish;
• Tasdiqlangan rejaga muvofiq ilmiy tadqiqot ishlarini olib borish, tugallangan ilmiy tadqiqot ishlarini muhokama qilish va ularning natijalarini ishlab chiqarishga joriy etish, tugatilgan ilmiy ishlarni nashr etishga tavsiya qilish;
• Ta’lim-fan va ishlab chiqarishning samarali integratsiyasini ta’minlash;
• Talabalarining ilmiy tadqiqot ishlariga rahbarlik qilish;
• Tajribali o‘qituvchilarning ish tajribalarini o‘rganish, umumlashtirish va tarqatish, yangi pedagogik texnologiyani joriy etish;
• O‘quv mashg‘ulotlarini o‘tkazish jarayonida zamonaviy o‘quv texnika vositalaridan va yakka tartibda o‘qitish, mustaqil ta’lim olish vositalaridan foydalanish.

Bilishi kerak: Pedagogik faoliyatiga tegishli me’yoriy-huquqiy hujjatlarni, qonunlar, Vazirlar Mahkamasining qarorlari, Vazirlikning Hay’at qarorlari, buyruqlari, universitet rektori buyruqlarining mohiyatini bilishi, kafedra yillik va istiqbolli rejalarini.

Malaka talablar:

• Pedagogik faoliyatida zarur bo‘lgan kasbiy va tashkilotchilik qobiliyatlariga, ta’lim sohasida ish tajribasi va stajiga, faoliyat turi va vakolatlari doirasida tegishli bilim va ko‘nikmalarga ega bo‘lishi;
• Oliy ma’lumotga ega bo‘lishi;
• Namoyishli shaxsiy fazilatlarga - intellekt, madaniyat, ijodiy qobiliyat, xushmuomalalik va tashabbuskorlik qobiliyatlariga ega bo‘lish, mas’uliyat hissi, mustaqil qaror qabul qilish va ish tutish, qat’iy harakat qilish, muassasa strategik maqsadlariga erishishni ta’minlash xususiyatlariga ega bo‘lishi zarur.