Filial xalqaro hamkorlik bo‘limi professor-o‘qituvchilar, ishchi-xodimlar, doktorantlar va mustaqil izlanuvchilarni Hindistonning Indian Technical and Economic Cooperation (ITEC) - Hindiston texnik va  iqtisodiy hamkorligi dasturi bo‘yicha stajirovka va malaka oshirish kurslariga borishga tavsiya etadi. Ushbu dastur Hindiston Vazirlar Mahkamasining 1964-yil 15-sentyabrdagi qarori bilan Hindiston hukumatining ikki tomonlama yordam dasturi sifatida tashkil etilgan. Dastur davomiyligi 1 haftadan 3 oygacha bo‘lishi mumkin. Barcha xarajatlar (viza xarajatlari, borish-kelish aviabiletlari, mehmonxona, ovqatlanish, sayohat va kunlik xarajatlar uchun pul) dastur tomonidan qoplanadi. Til bilish darajangiz (ingliz tili) yaxshi bo‘lishi kerak. Sertifikat talab qilinmaydi. Dasturga yil davomida ariza topshirish mumkin.

Dasturga quyidagi yo‘nalishlar bo‘yicha ariza topshirish mumkin:

IT va telekommunikatsiya
kiberxavfsizlik
sun’iy intellekt
ta’lim
muhandislik texnologiyalari
atrof-muhit va iqlim o‘zgarishi
qayta tiklanuvchi energiya
inson resurlarini rivojlantirish
irrigatsiya va suv resurslari
menejment
jurnalistika va matbuot
tadbirkorlik
to‘qimachilik
savdo va xalqaro bozor
turizm
urbanizatsiya
ayollar imkoniyatini kengaytirish
bank
sug‘urta
moliya
buxgalteriya hisobi va audit
ingliz tilini o‘qitish
qishloq xo‘jaligi va h.k..
Ariza saytdan onlayn to‘ldirilib yuboriladi. Agar arizangiz qabul qilinsa, ariza holati qabul qilindi holatiga o‘tadi va suhbat jarayoniga taklif qilinadi. Suhbatga borishda barcha arizalarni qo‘g‘oz shaklida chiqarib, dastur komissiyasiga taqdim etishingiz lozim. Suhbat jarayonida o‘zingiz haqingizda qisqacha ma’lumot, dasturga qatnashishdan maqsadingiz, Hindistonga taalluqli va boshqa bir qancha savollar beriladi. Shuningdek o‘zingiz haqingizda va qiziqishlaringiz to‘g‘risida qisqacha yozib berishingiz talab qilinadi. Agar suhbat jarayonidan o‘tsangiz vizaga ariza topshirasiz va Hindistonning O‘zbekistondagi elchisi bilan suhbatga kirasiz. Barcha hujjatlar rasmiylashtirilgandan keyin Hindistonga safarga yo‘l olasiz.

Batafsil ma’lumot: Batafsil ma’lumot olish uchun havola orqali ushbu saytga https://www.itecgoi.in/index o‘ting yoki filialning Xalqaro hamkorlik bo‘limiga murojaat qilishingiz mumkin. A-bino, 2-qavat. Aloqa uchun telegram va telefon raqami: +998 91 534-54-14 Olim Muydinov.

Joriy yilning 13-14  sentyabr kunlari  Xotin-qizlar maslahat kengashi tashabbusi bilan TDIU Samarqand filialida milliy an’analarimizni tarannum etuvchi “Xon atlas” haftaligini keng nishonlanishini ma'lum qilamiz.

Toshkent davlat iqtisodiyot universiteti Samarqand filiali va xorijiy universitetlar bilan hamkorlikda xalqaro qoʻshma taʼlim dasturlariga tayyorlaydigan FOUNDATION (tayyorlov) kursi uchun qabul boshlandi! 

TDIU Samarqand filialida “Besh tashabbus olimpiadasi” doirasida filial talabalari o‘rtasida sport musobaqalari bo’lib o’tadi. 

2024-yil 17-sentabr kuni TDIU Samarqand filialidagi  mutasaddilari tomonidan brifing o‘tkaziladi.

Oʻzbekiston Respublikasi Vazirlar Mahkamasining 2017-yil 22-maydagi “Oliy ta’limdan keyingi ta’lim tizimini yanada takomillashtirish chora-tadbirlari toʻgʻrisida”gi 304-sonli Qaroriga muvofiq, Toshkent davlat iqtisodiyot universiteti Samarqand filiali 2025-yil uchun tayanch doktorantura(PhD) va stajyor tadqiqotchilikka quyidagi ixtisosliklar boʻyicha tanlov e’lon qiladi:

Tayanch doktorantura va stajyor tadqiqotchilikga quyidagi talablarga ega boʻlgan nomzodlar hujjatlar topshirishi mumkin:

• magistr darajasiga yoki oliy ma’lumot toʻgʻrisidagi diplom (mutaxassislik dasturlari boʻyicha) ega boʻlganlar;
• B2 darajadagi milliy yoki unga mos darajadagi xalqaro sertifikat (tayanch doktoranturaga topsiruvchilar uchun);
• falsafa doktori (PhD) ilmiy darajasini olish uchun dissertatsiya tadqiqoti asosini tashkil qilishi mumkin boʻlgan ilmiy natijalar, shu jumladan ilmiy jurnallarda chop etilgan kamida bitta maqola hamda tegishli yoʻnalishlar boʻyicha ikkitadan kam boʻlmagan ilmiy ishlar toʻplamlariga kiritilgan ma’ruza tezislariga ega boʻlganlar;

Hujjatlar 2024-yil 15-sentyabrdan – 15-oktyabrgacha qabul qilinadi.

Tayanch doktorantura va stajyor tadqiqotchilikda oʻqishga talabgorlar http://phd.mininnovation.uz/ saytdan quyidagi hujjatlar orqali onlayn roʻyxatdan oʻtadilar:

- ariza;

- qisqacha biografik ma’lumotnoma;

- shaxsni tasdiqlovchi hujjat (Pasport yoki ID karta);

- mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);

- B2 darajadagi milliy yoki unga mos darajadagi xalqaro sertifikat (tayanch doktorantura uchun);

- oliy ta’lim muassasasi magistraturasi diplomi yoki oliy ma’lumot (mutaxassislik dasturlari boʻyicha) toʻgʻrisidagi diplom nusxasi (ilovasi bilan birgalikda);

– nashr etilgan ilmiy ishlar roʻyxati, shuningdek ularning nusxalari (dissertatsiya tadqiqoti asosini tashkil qilishi mumkin boʻlgan ilmiy jurnallarda chop etilgan kamida bitta maqola hamda tegishli yoʻnalishlar boʻyicha ikkitadan kam boʻlmagan ilmiy ishlar toʻplamlariga kiritilgan ma’ruza tezislariga ega boʻlish talab etiladi);

- Oʻzbekiston Respublikasi Prezidenti Davlat stipendiyasi sohiblari tegishli hujjat nusxasini taqdim etadilar.

Kirish imtihonlari 2024-yil 1-noyabrdan 25-noyabr oraligʻida oʻtkaziladi va bu sana filial rasmiy saytida e’lon qilinadi.

Tayanch doktoranturada oʻqish uchun talabgorlar mutaxassislik boʻyicha kirish imtihonlarini topshiradilar. Stajyor tadqiqotchilar suhbatdan o‘tkaziladi.

Batafsil ma’lumotlar www.sbtsue.uz saytida mavjud.

Manzil: Samarqand shahri, Professorlar koʻchasi 51-uy, Toshkent davlat iqtisodiyot universiteti Samarqand filiali, Ilmiy tadqiqotlar, innovatsiyalar va ilmiy-pedagog kadrlar tayyorlash boʻlimi.

Murojaat uchun telefonlar:+998906020492, +998915345414

Toshkent davlat iqtisodiyot universiteti Samarqand filiali 2024/2025-o’quv yili uchun “Buxgalteriya hisobi va statistika” kafedrasiga quyidagi mutaxassisliklar bo’yicha ilmiy darajaga va magistrlik darajasiga ega yuqori malakali professor-o‘qituvchilarni tanlov asosida ishga taklif etadi: