Shanxay Jiao Tong Universiteti (SJTU) dunyoga mashhur oliy taʼlim muassasasi bo‘lib, Xitoyning yetakchi universitetlaridan biridir. U keng qamrovli, tadqiqotga yo‘naltirilgan va xalqaro miqyosda eʼtirof etilgan universitet sifatida tan olingan bo‘lib, jahon reytingida 45-o‘rinda (QS 2025) turadi. Universitetda 7ta kampus, 13ta bog‘liq tadqiqot instituti, 23ta to‘g‘ridan-to‘g‘ri bog‘liq bo‘lim va 5ta korxona mavjud bo‘lib, keng doiradagi taʼlim dasturlarini taklif qiladi.

SJTUda 156ta turli davlatdan xalqaro talaba tahsil olmoqda, hozirda kampusda 4000 dan ortiq talaba bor. Universitetning 34ta maktabi va bo‘limlari ingliz va xitoy tillarida 100dan ortiq magistratura va doktorantura dasturlarini taklif etadi. Magistratura dasturlarining odatiy davomiyligi 2-3 yil (kunduzgi), doktorantura dasturlari esa 4 yilni tashkil etadi (kunduzgi).

*Deyarli barcha akademik sohalar va mutaxassisliklar mavjud.

Qabul Talablari

• Fuqarolik: Nomzodlar Xitoy fuqarosi bo‘lmagan va amaldagi xorijiy pasportga ega bo‘lishi kerak.
• Sog‘liq va Xulq: Nomzodlar jismoniy va ruhiy jihatdan sog‘lom, sog‘liq tekshiruvi talablariga javob beradigan, yaxshi xulqli bo‘lishi, jinoyat ishlari bo‘lmasligi hamda Xitoyga do‘stona munosabatda bo‘lishi zarur. Shuningdek, Xitoy qonunlari va SJTU qoidalariga rioya qilishga tayyor bo‘lishlari kerak.

Taʼlim malakasi:

• Magistratura uchun: Xitoyda tan olingan bakalavr diplomi yoki unga tenglashtirilgan daraja (yoki undan yuqori) talab qilinadi.

• Doktorantura uchun: Xitoyda tan olingan magistr darajasi yoki unga tenglashtirilgan daraja (yoki undan yuqori) talab qilinadi.

Muddat: Arizalar 2025-yil 15-fevraligacha qabul qilinadi.

Ariza berish bosqichlari:

Onlayn arizani to‘ldirish

Arizani SJTU qabul sayti orqali to‘ldiring: Study@SJTU. Stipendiya uchun ham ariza berish rejangiz bo‘lsa, stipendiya uchun belgilangan sanagacha hujjat topshiring.

Ariza to‘lovi

Ariza to‘lovi 800 RMB (taxminan 120 AQSh dollari) bo‘lib, qaytarilmaydi. To‘lov onlayn yoki bank orqali RMB yoki USDda amalga oshiriladi.

Ariza topshirish uchun havola: http://apply.sjtu.edu.cn/

Kerakli hujjatlar:

• Diplom nusxalari (skaner qilingan). Hali bitirmagan talabalar bitiruv sanasini ko‘rsatgan holda rasmiy xat topshirishlari kerak.
• Baholar varaqasi (skan qilingan). Magistratura uchun bakalavr, doktorantura uchun bakalavr va magistratura baholari kerak.
• Til bilish darajasi (SJTU talablariga qarang).
• Pasport nusxasi.
• Pasport o‘lchamidagi fotosurat.
• Shaxsiy bayonot va o‘qish rejasi.
• 2ta tavsiyanoma. Ular ilmiy darajali professor yoki sohadagi katta mutaxassis tomonidan yozilgan bo‘lishi kerak.

Eslatma: Hujjatlar ingliz yoki xitoy tilida bo‘lmagan taqdirda, tasdiqlangan tarjima byurosida tarjima qiling va ikkala versiyani tizimga yuklang.

Stipendiyalar:

Xalqaro talabalar stipendiyalarga quyidagi 2 usul orqali ariza berishlari mumkin:

1. SJTU orqali

2. O‘z mamlakatidagi Xitoy elchixonasi/konsulliklari orqali

Ushbu grant quyidagilarini o‘z ichiga oladi:

- Ta’lim xarajatlarini to‘liq qoplaydi.

-Talabalar kampusida bepul turar joy ta’minlanadi.

- To‘liq tibbiy sug‘urta beriladi.

- Oylik stipendiya to‘lanadi.

SJTUga stipendiya uchun ariza topshirishda agentlik kodi: 10248. Tafsilotlar uchun SJTU onlayn tizimiga tashrif buyuring.

Muhim eslatmalar:

Stipendiya muddati uzaytirilmaydi.

Har yili stipendiya qabul qiluvchilar universitet tomonidan o‘tkaziladigan ko‘rikda ishtirok etishlari shart.

Rasmiy havola: https://isc.sjtu.edu.cn/EN/content.aspx?info_lb=38&flag=2

Dastur yuzasidan savollaringiz mavjud bo‘lsa filialimiz

Xalqaro hamkorlik bo‘limi bilan bog‘lanishingiz mumkin.
A bino 2-qavat
Olim Muydinov (+998 91 534 54 14)