YPIP tomonidan O‘zbekistonda bakalavr talabalari uchun haq to‘lanadigan amaliyot!

Xalqaro Ta’lim bo‘yicha Amerika Kengashlari YPIP (Young Professional Internships Program) dasturi 105 ta o‘zbek bakalavriat talabalarini biznes va STEM (science, technology, engineering and mathematics) yo‘nalishlari bo‘yicha O‘zbekistondagi korxonalarda transformativ amaliyot o‘tashini ta'minlaydi. Ishtirokchilar professional malaka oshirish dasturi orqali 21-asrda raqobatbardosh kadr bo‘lishi uchun amaliy ish tajribasi va xalqaro biznes amaliyotlari haqida ko‘proq tushunchaga ega bo‘ladilar.

Ushbu dastur amaliyotchilar uchun amaliyot tajribasini maksimal darajada oshirish, mazmunli va ijobiy tajriba taqdim etish uchun biznes murabbiylari va maxsus ajratilgan xodimlar kabi ichki qo‘llab-quvvatlash tizimini taqdim etadi.

Asosiy talablar:

1. O‘zbekiston fuqarosi va rezidenti bo‘lishi
2. Biznes yoki STEM sohasida o‘qishi
3. O‘zbekistondagi oliy ta’limning 3- yoki 4-kursida o‘qishi
4. Ingliz tilini bilishi

Bundan tashqari nomzodlar o‘zlari haqida (personal statement) hamda YPIP ga topshirishdan ko‘zlagan maqsadlari va kelajakda amaliyotdan kutgan natijalari haqida ham essay yozishadi.

Ariza topshirishda nomzodlarning erishgan yutuqlarini ham kirgizish imkoniyatlari mavjud.

Nomzodlardan aktiv email pochta manzilini kiritishlari so‘raladi, chunki ularga pochta orqali bog‘laniladi!

YPIP taklif qilayotgan amliyot yo‘nalishlari:

1. Buxgalteriya hisobi, audit va sertifikatlashtirish  xizmatlari
2. Reklama va marketing
3. Biznes va biznesni rivojlantirish
4. Iste'mol tovarlari va xizmatlari
5. Ta’lim va ta'lim xizmatlari
6. Energiya va energiya xizmati
7. Axborot texnologiyalari (IT)
8. Huquq va yuridik xizmatlar
9. OAV va ommaviy axborot vositalari ishlab chiqarish
10. Loyihalar boshqaruvi
11. Tadqiqot va maslahat
12. Transport va logistika

Ishtirokchilar o‘z sohalarida va madaniyatlararo muhitda haqiqiy tajriba orttiradilar, shuningdek, o‘z bizneslarida ochiq tanlov orqali STEM dasturlarini qabul qilishdan oldin kasbiy faoliyatlarini boshlaydilar.

Arizalar 2024-yil 8-dekabrga qadar qabul qilinadi.

Batafsil ma’lumot uchun: https://ais.americancouncils.org/cgi-bin/WebObjects/AIR.woa/wa/login?brand=ypip