Avstriyada magistratura o’qish uchun to’liq grant

Magistratura kurslari uchun Central European University (CEU) bir qancha grantlarni taklif etmoqda. Bu universitet Avstriya poytaxti Vena shahrida joylashgan bo’lib, gumanitar fanlar, ijtimoiy fanlar, huquq va boshqa bir qator sohalarda magistratura dasturlarini taqdim etadi.

Magistraturaga qabul qilish talablari:

Arizachilar tan olingan universitet yoki oliy ta'lim muassasasidan birinchi daraja (bakalavr yoki shunga teng bakalavriat darajasi)ga ega bo'lishlari yoki CEU magistratura dasturiga qabul qilinishidan oldin bunday birinchi darajani olishlarini ko'rsatuvchi hujjatlarni taqdim etishlari zarur.

Ikki yillik magistratura dasturlariga ariza berayotganlar bakalavriat ta'limida kamida 180 ECTS kreditini (yoki shunga teng) to'plagan bo'lishlari kerak, bir yillik magistratura dasturlariga ariza berayotganlar esa kamida 240 ECTS kreditini (yoki shunga teng) to'plagan bo'lishlari zarur.

Til Talablari:

Markaziy Yevropa Universiteti tomonidan taklif etiladigan barcha magistratura, doktorantura dasturlarining o'quv tili ingliz tilidir. Nomzodlar standartlashtirilgan ingliz tili testlari natijalarini taqdim etib, ingliz tilidagi malakalarini ko'rsatishlari kerak. Nomzod kamida 6.5 IELTS yoki TOEFL 88 balliga ega bo’lish kerak.

Qo'shimcha ma'lumot: https://www.ceu.edu/admissions/application-requirements#step-5

Grantning manfaatli jihatlari:

Nomzodlar ko'rsatkichlari va moliyaviy holatiga qarab, quyidagi grantlarning birini qolga kiritishi mumkin:

1. CEU Master's Excellence Scholarship:
   • Kontrakt summasi uchun 100% gacha chegirma beriladi.
   • Oyiga 1000 yevro stipendiya beriladi.
   • Tibbiy sug'urta xarajatlari qoplanadi.
2. CEU Master's Distinction Scholarship:
   • Kontrakt summasi uchun 100% gacha chegirma beriladi.
   • Oyiga 750 yevro stipendiya beriladi.
   • Tibbiy sug'urta xarajatlari qoplanadi.
3. CEU Master's Scholarship:
   • Kontrakt summasi uchun 100% gacha chegirma beriladi.
   • Oyiga 500 yevro stipendiya beriladi.
   • Tibbiy sug'urta xarajatlari qoplanadi.
4. CEU Master's Partial Scholarship:
   • Kontrakt summasi uchun 100% gacha chegirma beriladi.
   • Oyiga 300 yevro stipendiya beriladi.
   • Tibbiy sug'urta xarajatlari qoplanadi.

Kerakli hujjatlar:

• Akademik yozma ish — Har bir fakultet arizachilardan esse, tadqiqot taklifi (research proposal), o'qish maqsadi (statement of purpose) kabilardan birini yozib topshirishni talab etadi. Fakultetlar bo'yicha akademik yozma ish talablari bilan bu yerda tanishing.
• 2 ta tavsiyanoma. Tavsiyanoma siz o'qigan universitetdagi o'qituvchi yoki ishlasangiz ishdagi nazoratchingiz (ish beruvchingiz) tomonidan berilishi kerak. Tavsiyanomalar ingliz tilida yozilishi hamda bevosita tavsiya beruvchi tomonidan onlayn tizimga yuklanishi kerak. Bunda nomzod tavsiya beruvchilarni onlayn tizimda ro'yxatdan o'tkazadi. Nomzod o'qish uchun onlayn ariza topshirganidan so'ng tavsiya beruvchilarga email yuboriladi va ular 7 kun ichida tavsiyanomani topshirishi kerak.
• Bakalavriatda olgan baholar va bakalavrlik diplomi. Hozirgi paytda 4-kursda o'qiyotganlar hozirgacha olgan baholari va universitetdan o'qish boshlanguniga qadar bakalavrlik diplomini qo'lga kiritishi haqida ma'lumotnoma topshirishi zarur.
• CV yoki Resume.
• Ingliz tili sertifikati. Kamida IELTS 6.5 yoki TOEFL iBT 88.
• GRE yoki GMAT sertifikati (agar talab qilinsa). Bu sertifikat faqat ayrim yo'nalishlarga hujjat topshirish uchun talab etiladi.
• To'ldirilgan CEU ariza shakli (onlayn).

https://sits.ceu.edu/urd/sits.urd/run/siw_ipp_lgn.login?process=siw_ipp_app_crs

Muddat: Nomzodlar 2025-yil 5-fevralgacha ariza topshrishlari lozim.

Rasmiy havola: https://www.ceu.edu/admissions/funding-fees/finaid-applicants/ma