Ekologiya va yashil iqtisodiyot – kelajak garovi! 

Toshkent davlat iqtisodiyot universiteti Samarqand filialida “EKOLOGIYA VA YASHIL IQTISODIYOT” ilmiy fan klubi hamda “Eko volontyor talabalar” harakati tashabbusi bilan navbatdagi seminar-trening bo‘lib o‘tdi.

 Seminarni Tabiiy, ijtimoiy va jismoniy madaniyat kafedrasi o‘qituvchisi E. Xamdamova olib bordi. Unda talabalar ekologiya, yashil iqtisodiyot va atrof-muhit muhofazasi yo‘nalishlarida chuqur bilimlar oldilar.

 Seminar-trening davomida ishtirokchilar atrof-muhitni asrash, barqaror rivojlanish, ekologik xavfsizlik hamda ekologik madaniyatni shakllantirish masalalari yuzasidan qizg‘in munozaralarda qatnashdilar. Yoshlar o‘zlarini qiziqtirgan savollarga javob olib, yangi g‘oyalar bilan o‘rtoqlashdilar.

 Bunday tadbirlar nafaqat talabalarning ekologik tafakkurini rivojlantiradi, balki ularni amaliy loyihalar ishlab chiqish, ekologik tashabbuslarni ilgari surish va yashil kelajak uchun faol hissa qo‘shishga undaydi.