Shveytsariyadagi ETH Zurich universitetiga magistraturaga topshirayotgan nomzodlarga Excellence Scholarship & Opportunity Programme (ESOP) o‘zining grant dasturini taklif qiladi.

ETH Zurich Shveytsariyaning Zurich shahrida joylashgan davlat tadqiqot universiteti. 1854-yilda muhandislarni tayyorlash maqsadida tashkil qilingan bo‘lib asosan fan, texnologiya, muhandislik va matematikaga e’tibor qaratadi. Universitet Shveytsariyada birinchi, QS xalqaro reytingida 7-o‘rinda turadi. Universitetda ingliz hamda nemis tillarida dars o‘tiladi.

Zurich ketma-ket va ixtisoslashtirilgan magistrlik dasturlarini taklif qiladi:

• Architecture & Civil Engineering
• Environmental engineering
• Natural Sciences & Mathematics
• System-oriented Natural Sciences
• Management & Social Sciences

ESOP grantiga Zurichda magistraturaga kirgan nomzodlar hujjat topshirishadi. Chunki hujjatlarga universitet tomonidan berilgan taklif xati ham talab qilinadi.

Nomzodlarga qo‘yilgan boshqa talablar:

1. Bakalavrdagi baholari yaxshi ko‘rsatkichlarga ega bo‘lishi
2. Boshqa universitetda magistratura talabasi bo‘lmasligi
3. Ingliz tilini  C1 darajada bilishi (nemis tilini ham bilsa ayni muddao)
4. Shaxsiy ma’lumotlari to‘g‘ri va aniq bo‘lgan CV

Qo‘shimcha hujjat sifatida nomzodlar o‘zlarining magstrlik dissertatsiyasi mavzusi haqida ham oldindan takliflarini kiritishlari lozim. Plagiat ma’lumotlar qabul qilinmaydi.

ESOP granti magistrlarning o‘qish va yashash xarajatlarini qoplashga ko‘maklashadi (stipendiya 1 semester uchun 12’000CHF, taxminan 14000 AQSh dollari). Stipendiya magistratura dasturi davomida beriladi(3 yoki 4 semestr).

Grantga arizalar onlayn tarzda 2024-yil 1-noyabrdan 30-noyabrgacha qabul qilinadi. Natijalar 2025-yil mart oyida e’lon qilinadi.

Qo‘shimcha ma’lumotlar uchun rasmiy havola:

https://ethz.ch/students/en/studies/financial/scholarships/excellencescholarship.html

https://ethz.ch/en.html