Oʻzbekiston Respublikasi Prezidentining 2021-yil 11-avgustdagi PQ-5220-sonli qaroriga muvofiq, rivojlangan xorijiy davlatlarda yashab kelayotgan olim va ijodkor vatandoshlarimizning mamlakatimiz nufuzini oshirishga qaratilgan ilmiy va ijodiy izlanishlarini qoʻllab-quvvatlash vazifalari belgilangan.
Ushbu qarorga asosan, joriy yilning 2-oktabr kuni soat 17:00 da “Vatandoshlar” jamoat fondi tashabbusi bilan AQShdagi vatandoshimiz, “Pentan, LLC” kompaniyasi xodimi Sevara Nabiyeva ishtirokida “ITni turli sohalarda qo‘llash va IT dunyosida ayollar uchun mavjud imkoniyatlar” mavzusida seminar-trening oʻtkazilishi rejalashtirilmoqda.
Seminar ZOOM platformasi orqali oʻtkaziladi va unda ishtirok etish orqali IT sohasida o‘z bilim va ko‘nikmalaringizni oshirish, zamonaviy tendensiyalar haqida ko‘proq ma’lumot olish imkoniga ega bo‘lasiz.
Mazkur tadbirga IT sohasi bilan qiziquvchi barcha talaba, professor-oʻqituvchilar va mutaxassislar taklif etiladi.