SCOPUS CAMP 2025: Ilmiy nashrlarga olib boruvchi strategik bosqich!

Toshkent davlat iqtisodiyot universiteti Samarqand filialida 2025-yil 18–19-iyul kunlari bo‘lib o‘tayotgan “SCOPUS CAMP 2025” seminari O‘zbekiston ilm-fan maydonida katta e’tibor va qiziqish uyg‘otmoqda. Mazkur ilmiy-amaliy loyiha yosh olimlar, doktorantlar, magistrantlar hamda ilmiy faoliyatga endigina qadam qo‘yayotgan izlanuvchilar uchun SCOPUS, Web of Science kabi nufuzli xalqaro bazalarda maqola chop etishning real yo‘llarini ochib bermoqda.

Tadbir maqsadi:
Tadbirning bosh maqsadi — ishtirokchilarga SCOPUS indeksatsiyasidagi jurnallarda maqola chop ettirish bo‘yicha nazariy bilim va amaliy ko‘nikmalarni shakllantirish, maqola tuzilmasi, til normasi, manbalarni ko‘rsatish uslubi, tahririyat talablari va ilmiy etikaga oid masalalarni to‘liq yoritishdan iborat.

Muqaddas vazifalar:

• Ilmiy maqola yozishdagi eng so‘nggi yondashuvlar bilan tanishtirish;
• Akademik stil va yozuv madaniyatini chuqurlashtirish;
• Ilmiy hamkorlik imkoniyatlarini rivojlantirish;
• Muharrirlar va hakamlar qaror qabul qilish mezonlarini ochiqlash;
• Rivojlanayotgan mamlakat olimlarining xalqaro maydonga chiqishini qo‘llab-quvvatlash;

Asosiy mavzular:

• SCOPUS indeksatsiyasi: Talablar, mezonlar va tavsiyalar;
• Akademik yozuv: Stil, grammatik tozalik, aniq formulalar;
• Sitatalar va bibliografiya: Plagiatdan xoli yozuv;
• Review jarayoni: Hakamlik (peer-review) tizimi va unga tayyorlanish;
• Ochiq fan (Open Science) tamoyillari va ilmiy adabiyotlarga ochiq kirish;

Etik tamoyillar: Mualliflik, muvofiqlik, manfaatlar to‘qnashuvi

Spikerlar haqida:
SCOPUS CAMP 2025 xalqaro ekspertlarni birlashtirdi. Ishtirokchilar quyidagi spikerlarning tajriba va maslahatlaridan bevosita bahramand bo‘lishdi:

• Tanzil Multazam (Malayziya) — SCOPUS tahririyat siyosati bo‘yicha amaliyotchi mutaxassis
• Dr. Busro (Indoneziya) — akademik yozuv bo‘yicha trener, xalqaro jurnal hakami
• Ikhwan Arief — amaliy tahlil asosida maqola tanlash va baholash bo‘yicha maslahatlar berdi

Amaliy mashg‘ulotlar:
Seminarda qatnashgan ishtirokchilar o‘z maqolalarini baholash, qayta ko‘rib chiqish, texnik va uslubiy jihatdan mukammallashtirish, “call for paper”larga javob yozish, ilmiy jurnal tahririyatlari bilan yozishmalar olib borish bo‘yicha ko‘nikmalarni shakllantirishdi.

Networking va hamkorlik:
Tadbir davomida ishtirokchilar turli mamlakatlardan kelgan olimlar bilan bevosita muloqot qilish, ularning tajribasi asosida ilmiy hamkorlik uchun kelishuvlar muhokama qilish imkoniyatiga ega bo‘lishdi.