Ilm-fan yo‘lida yangi marralar! 

2025-yil 29-sentabr kuni Toshkent davlat iqtisodiyot universiteti Samarqand filialida Kengashning 2-sonli yig‘ilishi bo‘lib o‘tdi. Mazkur yig‘ilishda filialning ilmiy, ta’limiy va tashkiliy faoliyatiga oid bir qator dolzarb masalalar muhokama qilindi.

Shu bilan birga, ilmiy izlanishlar samaradorligini oshirish, ilmiy salohiyatli kadrlarni qo‘llab-quvvatlash va ularning yutuqlarini e’tirof etish masalalariga alohida e’tibor qaratildi.

Yig‘ilish doirasida “Raqamli iqtisodiyot va axborot texnologiyalari” kafedrasi mudiri Ubaydullayev Ulug‘bek Shukrillayevich hamda “Moliya, soliq va bank ishi” kafedrasi dotsenti Tayirov Yunus Alamovichlarga O‘zbekiston Respublikasi Oliy attestatsiya komissiyasi qaroriga muvofiq dotsentlik ilmiy unvonlari topshirildi.

Mazkur e’tirof nafaqat ular uchun, balki filial jamoasi uchun ham ulkan g‘urur va mas’uliyat bo‘lib, ilm-fan sohasidagi yangi marralarga qadam qo‘yishda muhim rag‘bat bo‘lib xizmat qiladi.