Toshkent Davlat Iqtisodiyot Universiteti Samarqand filiali professori, iqtisod fanlari bo‘yicha falsafa doktori Bobur Sobirovning hammuallifligida tayyorlangan ilmiy maqola nufuzli Scopus Q1 reytingiga ega bo‘lgan “Journal of Human Rights, Culture and Legal System” jurnalining 2025-yil 5-jild, 1-sonida chop etildi.

Maqola sarlavhasi:
“Sustainable Halal Tourism Regulation Based on Local Wisdom in Indonesia and Uzbekistan”

DOI manzili: https://doi.org/10.53955/jhcls.v5i1.671
Chop etilgan sana: 27-iyul, 2025

Mualliflar:

• Abdul Kadir Jaelani – Huquq fakulteti, Universitas Sebelas Maret, Indoneziya

• Reza Octavia Kusumaningtyas – Huquq fakulteti, Universitas Negeri Semarang, Indoneziya

• Sarjiyanto – Iqtisodiyot va biznes fakulteti, Universitas Sebelas Maret, Indoneziya

• Bobur Sobirov – Toshkent Davlat Iqtisodiyot Universiteti Samarqand filiali, O‘zbekiston

Maqola mazmuni:
Mazkur tadqiqot halol turizmni tartibga solish bo‘yicha Indoneziya va O‘zbekiston tajribasini tahlil qilib, mahalliy donishmandlik (local wisdom) asosida barqarorlik prinsiplarini turizm siyosatiga integratsiya qilishning ilmiy asoslarini ishlab chiqadi. Tadqiqot ikki davlatning ijtimoiy, madaniy va huquqiy kontekstida halol turizmning huquqiy-me’yoriy mexanizmlarini solishtirgan holda, rivojlanayotgan mamlakatlar uchun innovatsion yondashuvlarni taklif etadi.

TDIU Samarqand filiali jamoasi xalqaro ilmiy hamkorlik doirasida olib borilayotgan izlanishlar orqali global akademik maydonda o‘z o‘rnini mustahkamlashda davom etmoqda.