Irlandiya hukumati tomonidan taqdim etiladigan Xalqaro Ta’lim grantlari (GOI-IES) magistratura va Phd  bo’yicha o’qishni xohlagan xalqaro talabalar uchun mo’ljallangan. Dastur Irlandiya hukumati tomonidan moliyalashtiriladi va Irlandiyaning oliy ta’lim muassasalari (HEIs) bilan hamkorlikda amalga oshiriladi. Bu tashabbus doirasida har yili 60 ta grant bir yil davomida NFQ darajalari 9 yoki 10 bo‘yicha to‘liq vaqtli o‘qish uchun beriladi.

Xalqaro ta’lim granti bir yil davomida NFQ darajalari 9 yoki 10 bo‘yicha to‘liq vaqtli o‘qish uchun €10,000 miqdoridagi stipendiyani o‘z ichiga oladi. Stipendiya sohiblari o’qishni 2025-yil sentabr oyidan boshlashadi.

Nomzodlarga talablar:

• Akademik yutuqlar
• Muloqot qobiliyati
• O’qishdan tashqari faoliyatlarda ishtirok etish(gumanitar, san’at, sport va h.z)
• Irlandiyaga topshirishga kuchli maqsad

Irlandiya hukumati tomonidan taqdim etiladigan Xalqaro Ta’lim Granti bir yil davomida NFQ darajalari 9 yoki 10 bo‘yicha to‘liq vaqtli o‘qish uchun €10,000 miqdoridagi stipendiyani o‘z ichiga oladi. Grant egalarining mezbon oliy ta’lim muassasalari grant davomida ularni o‘qish to‘lovidan to‘liq ozod qilishlari shart. Muvaffaqiyatli stipendiya sohiblari o‘z o‘qishlarini 2025-yilning sentyabr yoki oktyabr oyida boshlashlaydilar.

Grantga ariza berish uchun nomzodlar Yevropa ittifoqi, Shveytsariya va Buyuk Britaniya hududidan tashqarida doimiy yashash joyiga ega bo‘lishlari kerak. Nomzodlar birinchi navbatda mos keluvchi oliy ta’lim muassasasining qabul qoidalariga muvofiq tegishli magistratura yoki PhD dasturiga qabul uchun murojaat qilishlari lozim.

Arizachilar Irlandiya hukumati Xalqaro Ta’lim Grantiga murojaat qilish paytida o‘sha oliy ta’lim muassasasiga qabul qilinganlik to‘g‘risida shartli yoki yakuniy taklifga ega bo‘lishlari va uni nusxa ko‘rinishida taqdim etishlari kerak.

Arizachilar grantga ariza topshirish huquqiga ega yoki yo‘qligini aniqlash uchun chaqiruv hujjatlarini diqqat bilan o‘qib chiqishlari lozim. Arizalar onlayn portal orqali topshirilishi shart. Barcha arizalar uchun ikki tavsiyanoma talab qilinadi va ular arizachilar tomonidan onlayn portalga yuklanishi kerak.

Hujjatlar 2025-yil 5-martga qadar qabul qilinadi.

Batafsil ma’lumot uchun rasmiy havola:

Government of Ireland International Education Scholarships | Policy | Higher Education Authority (hea.ie)