Toshkent davlat iqtisodiyot universiteti Samarqand filialida “Iqtisodiyot” fakulteti bitiruvchi bosqich talabalari uchun “Oʻzmilliybank” AJ vakili Shermuhammad Gʻaniyev ishtirokida “Kelajakka qadam” loyihasi doirasida seminar-trening tashkil etildi.

Mazkur loyiha yoshlarning bandligini ta’minlash, ularning amaliy ko‘nikmalarini rivojlantirish, tashabbuskor talabalarni qo‘llab-quvvatlash va mehnat bozoriga muvaffaqiyatli integratsiyasiga xizmat qiladi.

Seminar davomida talabalarga imtiyozli kredit olish tartibi, biznes g‘oyalarni moliyalashtirish imkoniyatlari, startap loyihalarni amalga oshirish yo‘llari, amaliyot va ishga joylashish jarayonlari, shuningdek, xalqaro tajriba almashinuvida ishtirok etish bo‘yicha muhim ma’lumotlar berildi.

Filialda faoliyat yuritayotgan “Kelajakka qadam” markazi talabalarga o‘z kasbiy mahoratini oshirish, o‘z g‘oyalarini amalga oshirish va kelajakdagi kasb yo‘lini to‘g‘ri tanlashda mustahkam tayanch bo‘lib xizmat qilmoqda.