Koreyaning grant dasturlarini amalga oshirishga yo‘naltirilgan hukumat agentligi (The Korea International Cooperation Agency - KOICA) hamda Koreya davlat universiteti bilan hamkorlikda 2025-yilgi magistratura dasturi uchun grantlar e’lon qilingan. KOICA magistratura dasturiga hujjat topshirish ikki bosqichda bo‘lib o‘tadi:

1. Nomzodlar tegishli mamlakat hukumati tomonidan tavsiya qilinadi. Ariza topshirish nomzod mamlakatning KOICA ofisi yoki Koreya davlati elchixonasida amalga oshiriladi.
2. Universitet tanlovi jarayoni. KOICA tanlovidan muvaffaqiyatli o‘tgan nomzodlar universitetga hujjat topshirishadi.

Kerakli hujjatlar:

1. Ariza formasi;
2. Motivatsiya xati;
3. Rasm 2 ta (3.5 x 4.5) oxirgi 6 oy ichida olingan bo‘lishi kerak;
4. Onlayn arizangizda ko‘rsatgan barcha kollejlar, universitetlar va magistratura maktablarining rasmiy transkriptlari (baholar);
5. Diplom ;
6. Passport nusxa;
7. Tavsiyanoma;

Hujjatlar ingliz yoki koreys tiliga tarjima qilingan bo‘lishi kerak.

Grant imkoniyatlari:

• Aviachipta
• 600,000 KRW (417 dollar) joylashish uchun
• 999,000 KRW (695 dollar) oylik stipendiya
• O‘qish xarajatlari
• Yotoqxona va sug‘urta xarajatlari

Hujjatlar 2024-yil 18-dekabrgacha Xalqaro hamkorlik bo‘limida qabul qilinadi.

Batafsil ma’lumot uchun rasmiy havola: 연수홈페이지 (koica.go.kr)