Ayni kunlarda TDIU Samarqand filiali "O'zbek tili va xorijiy tillar" kafedrasi nemis tili o‘qituvchilari B. Mirsanov va N.Mavlyanova Germaniyaning Weihenstephan-Triesdorf amaliy fanlar universitetida malaka oshirish dasturida ishtirok etmoqdalar.

Ushbu stajirovka Erasmus+ dasturi doirasida tashkil etilgan bo‘lib, uning asosiy maqsadi — xorijiy tajribani o‘rganish, innovatsion ta’lim metodlarini amaliyotda qo‘llash va xalqaro akademik hamkorlikni mustahkamlashdan iborat. Mashg‘ulotlar davomida o‘qituvchilar zamonaviy dars metodikasi, fanlararo integratsiya va nemis tilini chet til sifatida o‘qitishning ilg‘or uslublari bilan tanishmoqdalar.

Bu kabi malaka oshirish dasturlari nafaqat o‘qituvchilarning kasbiy salohiyatini oshiradi, balki filialimizda ta’lim sifatini yanada yaxshilashga xizmat qiladi.