O‘zbekiston Respublikasi Prezidentining PQ-60, PQ-61, PQ-62-son qarorlarida belgilangan ustuvor vazifalarni amalga oshirish doirasida Toshkent davlat iqtisodiyot universiteti Samarqand filialida “O‘zmilliybank” AJ Samarqand viloyati boshqarmasi bilan hamkorlikda tashkil etilgan “Kelajakka qadam” markazi faoliyatini izchil davom ettirmoqda.

 Mazkur tashabbus doirasida bank xodimi Shermuhammad Ganiyev “Buxgalteriya hisobi va moliya” fakulteti talabalari bilan uchrashuv o‘tkazdi. Tadbir davomida talabalarga imtiyozli kreditlar olish tartibi, yoshlarning innovatsion biznes g‘oyalarini qo‘llab-quvvatlash, bank tizimida amaliyot o‘tash, soha bo‘yicha tanlov va loyihalarda ishtirok etish, shuningdek, ishga joylashish imkoniyatlari haqida batafsil ma’lumot berildi.

 Uchrashuv yoshlarning moliyaviy savodxonligini oshirish, ularni bank sohasidagi amaliy jarayonlar bilan yaqindan tanishtirish hamda kasbiy rivojlanishlariga ko‘maklashish yo‘lida muhim qadamlardan biri bo‘ldi.