Toshkent davlat iqtisodiyot universiteti Samarqand filialining Iqtisodiyot fakulteti bitiruvchi bosqich talabalari uchun “O‘zmilliybank” AJ bilan hamkorlikda “Kelajakka qadam” loyihasi doirasida seminar-trening tashkil etildi.

Mazkur loyiha O‘zbekiston Respublikasi Prezidentining qarorlarida belgilangan yoshlar bandligini ta’minlash, ularning mehnat bozoriga muvaffaqiyatli integratsiyasini qo‘llab-quvvatlash hamda iqtisodiy sohada amaliy ko‘nikmalarini rivojlantirishga qaratilgan muhim tashabbusdir.

 “Kelajakka qadam” markazining faoliyati quyidagi yo‘nalishlarni o‘z ichiga oladi:
 Tadbirkorlik istagi bor talabalarga imtiyozli kreditlar ajratish;
 Talabalarni o‘z biznes g‘oyalarini ishlab chiqish va moliyalashtirishda qo‘llab-quvvatlash;
 Bitiruvchilarni sohaga oid ochiq tanlov va loyihalarda ishtirok etishga rag‘batlantirish, ishga joylashishiga ko‘maklashish;
 Ish beruvchi tashkilotlar bilan hamkorlikda malakali kadrlar ehtiyojini aniqlash hamda maxsus o‘quv dasturlarini ishlab chiqish;
 Talabalarni xalqaro tajriba almashinuvi, qisqa muddatli o‘quv kurslari va amaliyot dasturlariga yo‘naltirish.

 Ushbu tashabbus yoshlarning iqtisodiy tafakkurini kengaytirish, ularni real bozor munosabatlariga tayyorlash hamda innovatsion fikrlashni rivojlantirishda muhim ahamiyat kasb etadi.