Joriy yilning 14-may kuni Toshkent davlat iqtisodiyot universiteti Samarqand filialida O'zbekiston Respublikasi Oliy ta'lim, fan va innovatsiyalar vazirining 2025-yil 25-apreldagi “O'zbekiston Respublikasi Prezidentining “Korrupsiyaga qarshi kurashish tizimini yanada takomillashtirish bo'yicha belgilangan ustuvor vazifalar ijrosini samarali tashkil etishga doir chora-tadbirlar to'g'risida” 2025-yil 21-apreldagi PF-71-son Farmoni va “Davlat organlari va tashkilotlarining korrupsiyaga qarshi ichki nazorat bo'linmalari mustaqilligini ta'minlash hamda faoliyati samaradorligini oshirish chora-tadbirlari to'g'risida” 2025-yil 21-apreldagi PQ-147-son qarori ijrosini ta'minlash to'g'risida, 147-sonli buyrug'ida keltirilgan vazifalarni muhokamasi yuzasidan yig‘ilish bo‘lib o‘tdi.

Davra suhbatida TDIU Hududiy ta’lim muassasalari bilan ishlash bo‘limi boshlig‘i Akram Eshnazarov universitet va filial o‘rtasidagi hamkorlikni mustahkamlash, xalqaro reytinglar, ta’lim sifati, ilmiy-uslubiy hamkorlik va o‘quv adabiyotlari bilan ta’minlash bo‘yicha fikr-mulohazalarini bildirdi. Shu bilan qatorda filial Yoshlar bilan ishlash, ma’naviyat va ma’rifat ishlari boʻyicha deriktorning birinchi oʻrinbosari X.I.Turdibekov tomonidan ham filial tomonidan yuqorida keltirilgan masalalar xususan, filialdagi tashkiliy hamda hamkorlikga oid kelishuvlar haqida so'z bordi.

Shuningdek TDIU Komplayens-nazorat bo‘limi boshlig‘i Murod Karimov korrupsiyaning salbiy oqibatlari va uning oldini olishda universitet hamda filial o‘rtasidagi hamkorlik haqida ma’lumot berdi. Filial “Komplayens-nazorat” tizimini boshqarish bo‘limi boshlig‘i Axmedov Alam Askarovich ham “O'zbekiston Respublikasi Prezidentining “Korrupsiyaga qarshi kurashish tizimini yanada takomillashtirish bo'yicha belgilangan ustuvor vazifalar ijrosini samarali tashkil etishga doir chora-tadbirlar to'g'risida” ham alohida to'xtalib o'tib, kadrlarni ishga olish, korrupsiyasiz ta'lim olish masalalari haqida to'xtalib o'tdi.

O‘tkazilgan tadbir davomida ta’lim muassasalarida korrupsiyaga qarshi murosasiz munosabatni shakllantirish, yoshlarni tarbiyalashda halollik g‘oyalarini singdirish, bu borada profilaktik tadbirlarni yanada ko‘paytirish mavzusida so‘z bordi va mas’ullarga kerakli vazifalar yuklatildi.