Toshkent davlat iqtisodiyot universiteti Samarqand filialida korrupsiyaga qarshi kurash, halollik tamoyillarini targ‘ib qilish hamda yoshlarning huquqiy savodxonligini oshirishga qaratilgan yirik intellektual festival — “Antikorrupsiya bilimdoni” bellashuvi tantanali tarzda tashkil etildi. Tadbir talabalarning nafaqat bilimini, balki sahna madaniyati, kreativ fikrlashi va jamoadagi uyg‘un ishlash ko‘nikmalarini namoyish etib berdi.

Bellashuv davomida ishtirokchilar korrupsiyaning mohiyati, davlat siyosatida halollik va shaffoflikni ta’minlash, qonunchilikdagi asosiy me’yorlar, real hayotiy misollar va tahliliy vazifalar orqali o‘z salohiyatini sinovdan o‘tkazdi. Har bir jamoa korrupsiyaga qarshi qat’iy pozitsiyasini yorqin ifoda etib, keng jamoatchilikka ma’naviy chaqiriq yo‘lladi.

Tadbirda Iqtisodiyot fakulteti, Buxgalteriya va moliya fakulteti hamda Qo‘shma ta’lim dasturi jamoalari o‘zaro kuchli raqobat muhitini yaratdi. Bellashuv yakuni esa har bir ishtirokchining ijodkorligi, mas’uliyati va tayyorgarligini yanada mustahkamladi.

Mazkur tashabbus yoshlar ongida halollik tamoyillarini mustahkamlash, korrupsiyaning har qanday ko‘rinishiga nisbatan murosasiz yondashuvni shakllantirish va ularni faollikka undash yo‘lida muhim qadam bo‘ldi.