Al-Farabi nomidagi Qozog'iston Milliy Universitetining "Iqtisodiyot" kafedrasi tomonidan 2025-yil 6-17-yanvar kunlari onlayn formatda o'tkazilayotgan Xalqaro Qishki Maktab - 2025 "Barqaror Rivojlanish va ESG: Global Muammolar, Milliy Ustuvorliklar, Samarali Yechimlar" mavzusida davom etmoqda.

Bu yil maktabda dars beradigan o'qituvchilar AQShdan - Maykl Brodi, Tailanddan - Ravipim Chaveesuk, Xitoydan - Vey Feng, Indoneziyadan - Yosini Deliana, Serbiyadan - Lela Ristic, Shri-Lankadan - Raveenthiran Vivekanantharaza, Ukrainadan - Legeza Darya va Dziuba Nataliia,Qirg'izistondan - Saparbaeva Ainura va KazNU Iqtisodiyot kafedrasi xodimlari ishtirok etmoqda. Shu bilan birga mazkur qishqi maktabda TDIU Samarqand filiali "O'quv ishlari bo'yicha direktor o'rinbosari" - Axrorov Farxod Baxriddinovich hamda Ta'lim sifatini nazorat qilish bo'lim boshlig'i-G'aniyev Ibragim Mamadiyevich qatnashishmoqda.
Xalqaro Qishki Maktabda Xitoy, O'zbekiston, Ukraina, Qirg'iziston va Qozog'iston universitetlaridan olimlar va ishtirokchilar birlashdi.

Xalqaro Qishki Maktab dasturi 17 ta SDG maqsadining deyarli barchasini qamrab oladi: barqaror turmush tarzlari (3) va iqtisodiy o‘sish dilemmasi (8), iqtisodiy va matematik metodlar yordamida ma'lumotlarni tahlil qilish, tadqiqot modellarini qurish (12); barqaror rivojlanish tomon oliy ta'limda sifatni ta'minlash masalalari (4); innovatsiyalar (9) va dunyo bo'ylab barqaror oziq-ovqatni sotish amaliyotlari (1, 2), ESG muammolarini hal qilishda yashil qadoqlashning roli (12), Xitoyning raqamli iqtisodiyoti (15) va ekologik iqtisodiyot (15) va milliy siyosat, Qozog'istonda biznes yuritish va ESG tendensiyalari (8); zamonaviy sharoitda barqaror rivojlanish: global muammolar va milliy ustuvorliklar (8, 9); inson resurslarining barqarorligi va uning biznes rivojlanishiga ta'siri (4, 5); iqlim o'zgarishi (13) va barqaror qishloq xo'jaligi (2), qishloq xo'jaligini rivojlantirishga qaratilgan davlat yordam choralarini takomillashtirish (11), global tendensiyalar asosida Qozog'istonda qayta tiklanadigan energiya rivojlanishi (7); Tailandning barqaror agro-oziq-ovqat zanjiri (7); va markaziy Osiyo mamlakatlaridagi turizmning barqaror rivojlanishi: kelajak va muammolar (16, 17).

Xalqaro Qishki Maktab olimlarga va ishtirokchilarga samarali muloqot qilish, fikr almashish va dolzarb global muammolarga yechim izlash uchun birlashtiradi. Barqaror rivojlanish masalalari va ESG prinsiplari bo‘yicha izlanishlarda nafaqat global tendensiyalarni tahlil qilishni, balki milliy darajada qo‘llaniladigan amaliy strategiyalarni ishlab chiqishni maqsad qilingan.

Yetakchi spikerlar va koordinatorlar maktab ishtirokchilariga barqaror amaliyotlarning murakkabliklarini tushunishda, innovatsion yondashuvlarni o‘rganishda va ESG ning kelajakni qurishda oshib borayotgan ahamiyatini qadrlashda yo‘l-yo‘riq ko‘rsatadilar.