2025-yil 12-noyabr kuni TDIU Samarqand filialida “Kelajak soati” darsi o‘tkazildi. Tadbir davomida talabalar hayot xavfsizligi, ekologik mas’uliyat, barqaror kelajak va shaxsiy hamda jamiyat oldidagi mas’uliyat haqida muhim ma’lumotlarga ega bo‘ldilar.

Ma’rifat darsini “Yashil iqtisodiyot va barqaror biznes” kafedrasi mudiri O.Pardayeva olib bordi. IQT-122, IQT-222 va IQT-322 guruhlari talabalari faol ishtirok etib, darsni jonli va interaktiv qildilar.

Uchrashuv davomida talabalarga xavfsiz hayotning ahamiyati, ekologik barqarorlikni ta’minlashning usullari va shaxsiy mas’uliyatning ijtimoiy hayotdagi roli tushuntirildi. Tadbir yoshlarni nafaqat bilim bilan, balki amaliy fikrlash va ongli qarorlar qabul qilishga undadi.