YUNESKO va Xitoy Xalq Respyblikasi hukumatining 2025-2026-o‘quv yili uchun “Buyuk Devor” stipendiya tanlovi e’lon qilingan. Ushbu stipendiya dasturi Xitoy Oliy ta’lim muassasalarida tadqiqotchi(45yoshdan kichik), yetakchi tadqiqotchilar(50) uchun bir yillik malaka oshirish kurslari, magistratura(35yoshgacha) hamda doktorantura(40) uchun bir yillik o‘quv kurslari tashkil etiladi. Tanlov g‘oliblarining xalqaro aviachipta va o‘qish bilan bog‘liq xarajatlar YUNESKO va XXR hukumati tomonidan qoplanadi. Nomzodlardan, ingliz tilini bilishi, yoshi tegishli kurslarga mos kelishi, aqlan va jismonan sog‘lom bo‘lishi talab etiladi.

Talab etiladigan hujjatlar:

• Onlayn ariza
• Diplom(ilovasi bilan) yoki sertifikat hamda reyting qaydnomasining tasdiqlangan nusxasi va ingliz tiliga tarjimasi
• Xitoy universitetlarining biridan kelgan taklifnoma(agar oldindan ushbu universitet bilan aloqa o‘rnatgan bo‘lsa)
• Nomzodning ilmiy faoliyati bilan yaqindan tanish bo‘lgan 2nafar professorlar tavsiyanomasi (ingliz tilida)
• Stipendiya uchun taqdim etilayotgan ilmiy tadqiqot loyihasi(500 so‘zdan iborat, ingliz tilida)
• Ingliz tilini bilish darajasi bo‘yicha sertifikat
• Tibbiy ma’lumotnoma

Xitoy Xalq Respublikasi hukumati tomonidan taqdim etiladigan imtiyozlar:

1. Stipendiya dasturi doirasida o‘qish uchun tanlangan akademik dastur bo‘yicha kontrakt to‘lovi bekor qilinadi;
2. Quyidagi miqdorlarda oylik yashash uchun nafaqa (ovqatlanish va boshqa turmush xarajatlari uchun):

• Umumiy tashrif buyuruvchi tadqiqotchi yoki magistratura talabalari uchun: 3 000 Xitoy yuani
• Katta tashrif buyuruvchi tadqiqotchi yoki doktorantura talabalari uchun: 3 500 Xitoy yuani;
•  Universitet hududida yashash joyi yoki yashash uchun subsidiya;
•  Xitoydagi xalqaro talabalar uchun kompleks tibbiy sug‘urta

UNESCO tomonidan taqdim etiladigan imtiyozlar:

1. Stipendiya boshida va tugashida Xitoyga borish va qaytish uchun xalqaro sayohat xarajatlari;
2. Har oy 80 AQSh dollari miqdorida cho‘ntak nafaqasi;
3. Vatanga qaytishda ortiqcha bagaj uchun to‘lovni qoplash uchun yakuniy nafaqa.

Barcha stipendiya oluvchilar Xitoyga jo‘nab ketishlaridan oldin o‘z mamlakatlaridagi Xitoy elchixonasi yoki konsulligidan vizani olishlari shart.
UNESCO va Xitoy Xalq Respublikasi hukumati pasport va viza xarajatlarini qoplash uchun hech qanday nafaqa bermaydi. Tanlangan stipendiya oluvchilar vizani mustaqil ravishda rasmiylashtirishlari kerak bo‘ladi.

Hujjatlar 2025-yil 1-fevralgacha qabul qilinadi.( http://www.csc.edu.cn/studyinchina )

Batafsil ma’lumot uchun rasmiy sahifa: https://www.campuschina.org/