Toshkent davlat iqtisodiyot universiteti Samarqand filiali bir qator nufuzli xorijiy oliy ta’lim muassasalari bilan hamkorlik ishlarini samarali yo‘lga qo‘ygan bo‘lib, dars jarayonlariga xorijlik mutaxassislarni  jalb qilish ishlari tashkillashtirilmoqda.  
 Jumladan, Rossiya Federatsiyasi Tyumen davlat universiteti professori, filologiya fanlari nomzodi, falsafa fanlari doktori, Buyuk Britaniyaning Vulverxempton universiteti biznes boshqaruvi bo‘yicha faxriy doktori Telegina Galina Valentinovna Toshkent davlat iqtisodiyot universiteti Samarqand filiali “O‘zbek tili va xorijiy tillar kafedrasi”da kafedra ilmiy faoliyatini qo‘llab-quvvatlash, pedagogik ta’limning innovatsoin rivojlanishiga ko‘maklashish maqsadida o‘z ish faoliyatini olib bormoqda.
Telegina Galina Valentinovna Tempus/Tasis va Erasmus+ dasturlari doirasida Yevropa Ittifoqining ko‘plab loyihalarining shuningdek, Britaniya Kengashi va Germaniyaning Daad akademik almashinuvi xizmati loyihalari tashabbuskori va koordinatori hisoblanadi. Bir necha marotaba Tempus, Erasmus Mundus dasturlari doirasida Yevropa loyihalarini baholash bo‘yicha Yevropa Komissiyasining ekspertlar guruhi tarkibiga kirgan.
Malakali mutaxassis dars jarayonlarida talabalarning  o‘qish, yozish, tinglash va gapirish ko‘nikmalarini rivojlantirsh bo‘yicha yangi pedagogik texnologiyalardan foydalangan holda amaliy mashg‘ulotlarni o‘tmoqda. Xorijlik mutaxassis tomonidan olib borilayotgan darslar talabalarning  dars jarayonida faol bo‘lishlariga va o‘z bilim ko‘nikmalarini rivojlantirishga turtki bo‘lmoqda.