Ushbu uchrashuvda filial direktori, professor O. Murtazayev , Iqtisodiyot fakulteti dekan G'.Ibragimov va dekan o‘rinbosarlar hamda "Ta'lim sifatini nazorat qilish bo'limi" boshlig'i I.G'aniyev va “Komplayens nazorat” tizimini boshqarish bo‘limi bosh mutaxassisi A.Axmedov qatnashishdi. Filial direktori o'z nutqida ta'lim sohasidagi o'zgarishlar, talabalarning ijtimoiy faolligi va ilmiy ishlanmalardagi yutuqlarni alohida ta'kidladi.
Uchrashuvning asosiy maqsadi talaba yoshlar bilan bevosita muloqot qilish, ularning muammolarini tinglash va yechim topishga ko‘maklashish, shuningdek, taklif va tashabbuslarini qo‘llab-quvvatlashdan iborat bo'ldi. Shuningdek, uchrashuvda talabalar o'zlarini qiziqtirgan savollarni berishdi va universitetdagi o'qish jarayoni, ijtimoiy dasturlar hamda talabalarga yordam ko'rsatish bo'yicha fikrlar almashishdi.
Uchrashuv so'ngida direktor va talabalar o'rtasida ishchan hamkorlikni yanada rivojlantirish va universitetdagi hayot sifatini yaxshilashga qaratilgan qo'shimcha chora-tadbirlar kelishib olindi. Tadbirning muvaffaqiyatli o'tishi, universitet va talaba jamoasi o'rtasidagi o'zaro ishonchni mustahkamladi.