2024-yil 22-noyabr kuni Toshkent davlat iqtisodiyot universiteti Samarqand filialida “Diniy ekstremizm jamiyat barqarorligiga tahdid” mavzusida filial yuriskonsulti M.Xolmatov, guruh tyutori Bektemirov Shokir tomonidan iqtisodiyot fakulteti, Biznesni boshqarish ta’lim yo‘nalishi 1 kurs 124-guruh talabalari bilan uchrashuv tashkil etildi.

Uchrashuvda bugungi kunda ekstremizm va terrorizm alohida mamlakatlarning milliy xavfsizligi va umuman jahon hamjamiyatiga jiddiy tahdid uyg‘otayotgan omilga aylanishi haqida keng qamrovli suhbat bo‘lib o‘tdi. Talabalarga hozirda turli xil ekstremistik va terrorchi guruh va toifalar o‘zlari ilgari surayotgan g‘oyaga erishish maqsadida muqaddas islom dinini o‘ziga niqob qilib olib “jihod”, “takbir”, “shahid” va “hijrat” kabi islom dinida muqaddas sanalgan atamalardan noto‘g‘ri yo‘lda foydalanishga urinmoqdalar va ba’zi shaxslar tomonidan qorishtirilgan holda va johilona talqin qilinmoqda. Aslida, yuqoridagi da’volarning barchasi birinchi navbatda islom diniga qarshi qaratilgan kurash va islom dinini yomon ko‘rsatish hisoblanadi. Qolaversa, butun dunyo tinchligiga raxna solish va omma o‘rtasida turli xil ixtilof va barqarorsizlikni uyg‘otish, natijada jamiyatni parokandalikka olib kelish sanaladi. Shuningdek, bu ixtiloflar ilmsizlik, johillik va mutaassiblik oqibatida ham yuzaga chiqayotganligi kabi muammoli shu bilan birgalikda dolzarb mavzularda ma’lumotlar berib o‘tildi.