2024-yil 7-oktabr kuni  Toshkent davlat iqtisodiyot universiteti Samarqand filiali Yurist konsulti M.Xolmatov,Iqtisodiyot fakulteti ta’lim-tarbiya maslahatchisi  Z.M.Mamadxonova va Iqtisodiyot fakulteti 1-kurs talabalari ishtirokida  “Huquqiy ong va huquqiy madaniyatni yuksaltirish”   mavzusida davra suhbati o‘tkazildi. 
Suhbat davomida jamiyatda huquqiy ong va huquqiy madaniyatni yuksaltirish  qator omillarga bogʻliq boʻlib, bunda huquqiy tarbiya ham muhim ahamiyat kasb etadi. Huquqiy tarbiya huquqiy ong va huquqiy madaniyatning shakllanishi va oʻzgarishida asosiy vositalardan biri sanaladi. Huquqiy tarbiya jamiyat a’zolarining yurish-turish madaniyatiga va ongiga huquq haqidagi bilimlarni doimiy ravishda maqsadga muvofiq ta'sir etish orqali singdirib borish jarayoni hisoblanib, oʻzining muayyan vositalariga ega. Jamiyatimiz a’zolarining huquqiy madaniyatini va huquqiy ongi darajasini yuksaltirish eng avvalida, huquqiy tarbiyaning shakllanishi va rivojlanishiga ham bogʻliq. Huquqiy tarbiya orqali har bir shaxsning ongiga nima qilmoq mumkin, nima qilmoq mumkin emasligini, jamiyat, davlat undan nimani talab qiladi, qonunlarga rioya etish yoʻllari nimadan iborat ekanligini yetkazmoq lozim ekanligi haqida aytib o’tdilar. Xulosa qilib aytganda kelajagimiz poydevori boʻlmish yoshlarimizga nafaqat huquqiy tarbiya berib, huquqiy ongni shakllantirishimiz shu bilan bir qatorda ularni real hayotda ham qoʻllay olishiga koʻmaklashishimiz kerak. Huquqiy tarbiya qanchalik mukammal boʻlsa, huquqiy madaniyat eng yuqori darajada shakllangan boʻlsa jamiyatga, shaxslarga va davlatga ziyon beruvchi huquqbuzarliklar soni shuncha kamayadi. 
Huquqiy savodxon boʻlgan kishi huquqni, qonunni, konstitusiyani oʻz hayot tarzining bir qismiga aylantiradi.Davra suhbat davomida talabalar o’zlarining qiziqtirgan savollariga atroflicha javob olishdi.