2024-yilning yanvar- dekabr oylari davomida jismoniy va yuridik shaxslardan jami 16 ta murojaat kelib tushgan. Virtual qabulxona orqali  kelgan murojaatlar soni 12 tani, elektron pochta orqali kelgan murojaat 1 tani, yozma murojaat 1 tani hamda og‘zaki murojaat 2 tani tashkil etgan.  Jismoniy va yuridik shaxslarning barcha murojaatlari jumladan, O‘zbekiston Respublikasi Prezidentiga, Oliy ta’lim, fan va innovatsiyalar vaziriga virtual qabulxonalar orqali yo‘llangan murojaatlar belgilangan muddatlarda O‘zbekiston Respublikasi Vazirlar Mahkamasining 2018-yil 7-maydagi 341-son qaroriga muvofiq ko‘rib chiqilib, ijrosi  ta’minlanmoqda.

2024-yil davomida filialga kelib tushgan  murojaatlarning 4 (30.76%) tasi akademik qarzdorlik sababli o‘z kursida qoldirilgan talaba tomonidan yozilgan takroriy murojaatni tashkil etgan. Ijara shartnomasi to‘lovi yuzasidan kelib tushgan 2 ta murojaat ijobiy hal etilgan hamda 1 nafar talabaning oraliq nazoratda olgan qoniqarsiz bahoni qoniqarli bahoga o‘zgartirish yuzasidan yozgan murojaati rad etilgan. Akademik qarzdorlik sababli o‘z kursida qoldirilgan va akademik qarzdorlik sababli yakuniy attestatsiyaga ruxsat berilmagan talabalardan kelib tushgan 10 ta murojaat huquqiy tushuntirish berish orqali hal etilgan. Ikkinchi va undan keyingi oliy ta’limda o‘qish muddati 4 yil ekanligidan noroziligi to‘g‘risidagi 1ta murojaatga O‘zbekiston Respublikasi Vazirlar Mahkamasining 2017-yil 21-noyabrdagi 930-son qarori talablari asosida huquqiy tushuntirish berilgan. Shuningdek, ikkinchi mutaxassislik bo‘yicha diplom haqiqiyligini belgilash yuzasidan platformaga yuklangan ma’lumotlarining ko‘rib chiqilmayotganligidan norozi bo‘lgan fuqaroning murojaatini uning birinchi tamomlagan oliy ta’lim muassasasi Sam DAQUga yo‘naltirish yuzasidan bildirgi kiritilgan.

 2024 yilning 12 oyi davomida mas’ul ijrochilar tomonidan murojaatlarni ko‘rib chiqish jarayonida kamchiliklarga yo‘l qo‘yilmagan va qonun buzilish holatlari qayd etilmagan.

Filialda  murojaatlar bilan ishlashning natijadorligini oshirish yuzasidan Chora-tadbirlar rejasi ishlab chiqilgan hamda filial direktori tomonidan tasdiqlangan.

Murojaatlar bilan ishlash borasida amalga oshirilgan ishlar yuzasidan choraklik hisobotlar belgilangan muddatlarda Vazirlikning murojaatlar bo‘limi contact@edu.uz elektron pochta manziliga taqdim etilmoqda.