O‘zbekiston Respublikasi Prezidentining 2019-yil 8-oktyabrdagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PF-5847 sonli Farmoni bilan tasdiqlangan maqsadli ko‘rsatkichlarning ijrosini ta’minlash maqsadida filial o‘qituvchilarining xorijiy stajirovka (malaka) oshirishini tashkil etish maqsadida  Qozog‘iston Respublikasi Olmaota shahrida joylashgan Al-Farobiy nomidagi  Qozog‘iston Milliy universiteti bilan 2024-yil  10-iyun sanasida  tuzilgan 547-sonli malaka oshirish bo‘yicha hamkorlik memorandumi ijrosini ta’minlash yuzasidan Toshkent davlat iqtisodiyot universiteti Samarqand filiali direktorining  2024-yil 12 iyundagi 111-K sonli buyrug‘i asosida TDIU Samarqand filiali “Raqamli iqtisodiyot va axborot texnologiyalari” kafedrasi dotsenti Amonov Adham Kamolovich, “Tabiiy, ijtimoiy fanlar va jismoniy madaniyat” kafedrasi mudiri Xudayarov Uktam Jurakulovich va “Yashil iqtisodiyot va barqaror biznes” kafedrasi dotsenti  Pardayev Sherzod Xolmurodovich bilan birgalikda 2024-yil dekabr oyida Qozog‘iston respublikasi Olmaota shahrida xizmat safarida bo‘lib qaytdilar.

Al-Farobiy nomidagi Qozog‘iston Milliy universiteti huzuridagi  malaka oshirish va qo‘shimcha ta’lim institutida har bir tinglovchi tanlagan mutaxassisliklari bo‘yicha  malaka oshirish kurslarini muvaffaqiyatli tugatdilar.

Dotsent A.K.Amonov  “Axborot texnologiyalari” yo‘nalishi bo‘yicha belgilangan ta’lim dasturiga muvofiq Al-Farobiy nomidagi Qozog‘iston Milliy universiteti "Axborot texnologiyalari" fakulteti “Kompyuter fanlari” kafedrasi professori Kerimbayev Nurasul Nurimovich rahbarligida malaka oshirish kursini tugatdi.
Dotsent Sh.X.Pardayev Al-Farobiy nomidagi Qozog‘iston Milliy universiteti "Iqtisodiyot va biznes oliy maktabi"  fakulteti dekani, professor Galiya Daulieva Raxmetovna rahbarligida malaka oshirib,  iqtisodiyot yo‘nalishi bo‘yicha ta’lim dasturini muvaffaqiyatli tugatdi.
Dotsent U.J.Xudayarov  Al-Farobiy nomidagi Qozog‘iston Milliy universiteti "Tarix" fakulteti “Jahon tarixi, tarixshunoslik va manbashunoslik” kafedrasi mudiri, professor  Mirzabekova Riskeldi Salamatovna rahbarligida malaka oshirib “Oliy ta’lim menejmenti” yo‘nalishi bo‘yicha ta’lim dasturini muvaffaqiyatli tugatdi.

Xizmat safar davomida Al-Farobiy nomidagi Qozog‘iston Milliy universiteti tuzilmasi, boshqaruvi hamda ta’lim dasturlari bilan yaqindan tanishildi. Xususan,  fakultetlar dekanati ish boshqaruvi va mavjud kafedralar faoliyati o‘rganildi. Kafedralar o‘quv rejasi, ta’lim yo‘nalishi klassifikatorlari, fan sillabuslari, o‘quv va ilmiy laboratoriyalari shular jumlasidan. Shuningdek, universitet kampusi, kutubxona, muzey, texnopark, talabalar madaniyat saroyi, sog‘lomlashtirish markazi bilan yaqindan tanishildi.

Xizmat safar samarali oo‘tdiva qo‘yilgan maqsadlarga erishildi. Al-Farobiy nomidagi Qozog‘iston Milliy universiteti hamda Toshkent davlat iqtisodiyot universiteti Samarqand filiali o‘rtasida o‘zaro hamkorlik bo‘yicha kelishuvga erishildi.