Toshkent davlat iqtisodiyot universiteti Samarqand filiali Xotin-qizlar maslahat kengashi hamda yoshlar ittifoqi boshlang'ich tashkiloti bilan hamkorlikda "Kitobxon ona, kitobxon bola" shiori  ostida ko'rik-tanlov  tashkil etildi. 

Bunda talaba qizlar "Ikki eshik orasi" va "O'tkan kunlar" asarlari haqida so'zlashdi, kitoblarga ta'rif berib asarning bosh maqsadlari muhokama qilishdi va bir nechta savollarga javob berishdi. Bu asarlar haqiqiy o'zbek durdonalari sanaladi, asarlarda tarix haqida ham so'z yuritilgan bo'lib,  asar qahramonlari va jarayonlar har bir kitobxonga o'zgacha hissiyotlar bag'ishlaydi.

Ushbu tanlov natijalariga ko'ra  "Moliya va moliyaviy texnologiyalar-224" guruh talaba qizlari Do'stmamatova Maftuna va Doniyorova Muxlisa g'olib deb topildi.

G'oliblikni qo'lga kiritgan talaba qizlarimizni tabriklaymiz.