O‘zbekiston Ekologik partiyasi tashkil etilganiga ko‘p vaqt bo‘lmaganiga qaramasdan mamlakatimizning ijtimoiy-siyosiy hayotida muhim o‘rinlarni egallab kelmoqda. Joriy yilda bo‘lib o‘tgan Oliy Majlis Qonunchilik palatasi va mahalliy kengashlarga saylov yakunlari ham shundan dalolat beradi.

Ona sayyoramizning musaffoligi, ekologik barqarorlikka e’tiborsiz bo‘lmagan yoshlar partiya faoliyati bilan tanishib, uni tanlashmoqda.  2024 yil 16 dekabr kuni TDIU Samarqand filiali “Tabiiy, ijtimoiy fanlar va jismoniy madaniyat” kafedrasi dotsenti E.I.Xamdamova rahbarligida Iqtisodiyot fakulteti 3-boshqich 122-guruh Iqtisodiyot (Oziq-ovqat resurslar iqtisodiyoti) ta’lim yo‘nalishi talabalari O‘zbekiston Ekologik partiyasi Samarqand viloyat partiya tashkilotida tashkil etilgan ma’rifiy tadbirda qatnashdilar.

Qatnashchilarga viloyat partiya tashkiloti raisi B.Abdullayev va uning a’zolari partiyaning maqsad va vazifalari, dasturiy g‘oyalari haqida yetarlicha ma’lumot berdilar.

Talaba-yoshlarni qiziqtirgan savollarga javob berilib, kelgusida o‘zaro hamkorlikni yanada kuchaytirishga kelishib olindi.