2025-yil 28- yanvar sanasida Iqtisodiyot fakulteti talabalari tomonidan Samarqand shahridagi “Qatag‘on qurbonlari xotirasi muzeyi”ga sayohatga chiqishdi. 
Ushbu sayohat talabalar uchun ajdodlarimizning ma’rifatparvarlik yo‘lidagi jasoratli harakatlarini o‘rganish, ulardan ilhom olish va tariximizni chuqurroq anglash imkonini beradi.

Mahmudxo‘ja Behbudiy, Abdulqodir Shakuriy, Sadriddin Ayniy, va boshqa ko‘plab tarixiy shaxslarning xalqimizni ma’rifatli qilish yo‘lidagi xizmatlarini bilish yosh avlodni ona yurtga mehr-muhabbat ruhida tarbiyalashda katta rol o‘ynaydi. Muzey xodimlari tomonidan taqdim etilgan batafsil ma’lumotlar esa ushbu maqsadga erishishda muhim ahamiyat kasb etadi.

Bu kabi sayohatlar talabalarni nafaqat tariximiz bilan tanishtirish, balki ular ongida ma’naviy qadriyatlarni mustahkamlashga ham xizmat qiladi. Tyutor Sh.X. Bektemirov tomonidan tashkillashtirilgan bunday madaniy va ma’rifiy tadbirlar ijobiy samara berishi shubhasiz.